«سەربيا – حالىقارالىق ارەناداعى قازاقستاننىڭ سەنىمدى دوسى. ءبىز وسى دوستىقتى باعالاي وتىرىپ, ەكى ەلدىڭ ىنتىماقتاستىعىن نىعايتۋعا كۇش سالامىز. سەربيانىڭ ۇلتتىق كۇنى مادەني قارىم-قاتىناستارىمىزدى كۇشەيتەدى دەپ سەنەمىن», دەدى جيىندا ۇلتتىق ەكونوميكا ۆيتسە-ءمينيسترى ەرنار باكەنوۆ.
سەربيا ەلشىسى ۆلاديمير ماتيچ وزدەرىنىڭ پاۆيلونى بولاشاقتىڭ ەنەرگياسىنا ۇڭىلۋگە مۇمكىندىك بەرەتىنىن جەتكىزدى. ۇلتتىق پاۆيلون ءتورت تابيعي ەلەمەنت ارقىلى قۋات كوزدەرىنىڭ سونى جەتىستىكتەرىن پاش ەتەدى. «بولاشاقتىڭ ەنەرگياسى» – ەكسپو-2017 كورمەسىنىڭ تاقىرىبى – راسىندا, بۇگىنگى الەم ءۇشىن وتە وزەكتى. بۇل شارا ەنەرگەتيكا سالاسىنداعى يننوۆاتسيالىق تەحنولوگيانىڭ ورتالىعىنا اينالاتىنىنا سەنەمىن. سەربيا پاۆيلونى كوپشىلىككە ءداستۇرلى ەلەمەنتتەر – سۋ, اۋا, جەر جانە وت مۇمكىندىكتەرىمەن جارقىن بولاشاق جاسالاتىنىنا كوز جەتكىزەدى», دەدى ۆلاديمير ماتيچ.
باعدارلامانىڭ ەكىنشى بولىمىندە سەربيا تۋرالى فيلم كورسەتىلدى. سونداي-اق, سول ەلدىڭ تابيعي كوركىن پاش ەتكەن تۋىندىنىڭ تۇساۋى كەسىلىپ, سەربيانىڭ تۋريستىك ۇيىمدارىنىڭ وكىلدەرى ءسوز سويلەدى. جيىنعا قاتىسۋشىلار 2008 جىلى «ەۆروۆيدەنيە» بايقاۋىندا ەلىنىڭ نامىسىن قورعاپ, «Oro» انىمەن التىنشى ورىن يەلەنگەن ەلەنا توماشەۆيچ پەن ۆيولونچەلدە ويناعان ەلەنا ءميحايلوۆيچتىڭ ونەرىن تاماشالادى. سونىمەن قاتار, «يۆو لولا ريبار» اكادەميالىق مادەني-شىعارماشىلىق بىرلەستىك ۇلتتىق بيلەرىن ورىندادى.
اسحات رايقۇل,
«ەگەمەن قازاقستان»
