دەلەگاتسيا مۇشەلەرى گرۋزيا جوعارعى سوتىنىڭ توراعاسى نينو گۆەنەتادزە حانىممەن كەزدەستى. گرۋزيا تاراپىنان كەزدەسۋگە ادىلەت مينيسترلىگى مەن باس پروكۋراتۋرانىڭ, ىشكى ىستەر مينيسترلىگى مەن كونستيتۋتسيالىق سوتتىڭ, جازانى ورىنداۋ جانە پروباتسيا مينيس-
ترلىگى مەن ادۆوكاتتار قاۋىمداستىعىنىڭ, زاڭ كومەگى قىزمەتى مەن زاڭ فيرمالارى قاۋىمداستىعىنىڭ جانە ادىلەت جوعارى كەڭەسىنىڭ وكىلدەرى, سون-
داي-اق تبيليسي قالالىق جانە اپەللياتسيالىق سوتتارىنىڭ سۋديالارى قاتىستى.
اڭگىمە بارىسىندا گرۋزياداعى سوت رەفورمالارى مەن قىلمىستىق سوت تورەلىگى جۇيەسىنىڭ ماسەلەلەرى تالقىلاندى. گرۋزيا تاجىريبەسىنىڭ ەرەكشەلىگى, قىلمىستىق سوت ءىسىن جۇرگىزۋدىڭ ەۋروپالىق ۇلگىسىنە كوشۋدىڭ قىسقا مەرزىم ىشىندە جۇزەگە اسىرىلىپ, ونىڭ وتە ءتيىمدى قولدانىلىپ جاتقانىن اتاپ وتكەن ءجون.
كەزدەسۋ سوڭىندا قازاقستاندىق دەلەگاتسيانىڭ باسشىسى گرۋزيا تارابىنا جىلى قارسى العانى ءۇشىن العىسىن ءبىلدىردى جانە قۇقىقتىق سالادا ءوزارا ءىس-قيمىلدى ودان ءارى كەڭەيتۋ قاجەتتىگىن ايتتى.
تبيليسي قالاسىندا سول كۇندەرى «اكتيۆتەردى قايتارۋ جانە كيبەرقىلمىستىلىق» تاقىرىبىندا حالىقارالىق پروكۋرورلار قاۋىمداستىعىنىڭ VIII شىعىس-ەۋروپا جانە ورتالىق-ازيا وڭىرلىك كونفەرەنتسياسى وتكەن بولاتىن. شاراعا الەمنىڭ 27 ەلىنەن 150 وكىلى مەن 7 حالىقارالىق ورگانداردان جانە ۇيىمداردان وكىلدەر كەلگەن ەدى. ءبىزدىڭ تاراپىمىزدان وعان باس پروكۋروردىڭ ورىنباسارى مارات احمەتجانوۆ قاتىستى.
پروكۋرورلار ۇرلانعان, ونىڭ ىشىندە ەلەكتروندى ۆاليۋتا تۇرىندەگى اكتيۆتەرگە تىيىم سالۋ مەن تاركىلەۋ بويىنشا حالىقارالىق ىنتىماقتاستىقتىڭ, قۇقىقتىق كومەك تۋرالى سۇراۋلاردان تىس رەسمي ەمەس ىنتىماقتاستىقتىڭ, تىيىم سالىنعان م ۇلىكتەردى باسقارۋدىڭ كوكەيكەستى ماسەلەلەرىن تالقىلادى.
فورۋم شەڭبەرىندە م.احمەتجانوۆتىڭ گرۋزيا, ۋكراينا, بەلورۋسسيا, ۇلىبريتانيا, وزبەكستان باس پروكۋراتۋرالارىنىڭ باسشىلارىمەن, سونداي-اق حپق باسشىلىعىمەن كەلىسسوزدەرى ءوتتى.
ەكىجاقتى كەزدەسۋ بارىسىندا اڭگىمەلەسۋشىلەر ترانس-
ۇلتتىق ۇيىمداسقان قىلمىسپەن, ەسىرتكى بيزنەسىمەن, كيبەرقىلمىستىلىقپەن, ەكسترەميزم جانە تەرروريزممەن كۇرەس شەڭبەرىندە ىنتىماقتاستىقتىڭ ەڭ ماڭىزدى باعىتتارى بويىنشا تاجىريبە الماستى. سونداي-اق, جيىن بارىسىندا قۇقىق قورعاۋ جۇيەسىن رەفورمالاۋ, شارتتىق-قۇقىقتىق بازانى كەڭەيتۋ مەن نىعايتۋ سالاسىنداعى قول جەتكىزىلگەن جەتىستىكتەر جايلى اڭگىمە قوزعالدى.
«ەگەمەن-اقپارات»
