جيىندى اشقان مەملەكەتتىك حاتشى «مەرەيلى وتباسى» ۇلتتىق كونكۋرسى قازاقستان پرەزيدەنتى باستاماسىمەن جىل سايىن وتكىزىلەتىندىگىن ايتتى.
گ.ابدىقالىقوۆا اتاپ وتكەندەي, بيىلعى كونكۋرستىڭ ماڭىزى ەرەكشە, ويتكەنى, مەملەكەت باسشىسىنىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىنىڭ نەگىزگى ەرەجەلەرىنىڭ ءبىرى – رۋحاني قۇندىلىقتاردى ساقتاۋ جانە جاڭعىرتۋ. ادام بويىندا رۋحاني قۇندىلىقتار قالىپتاستىرۋدا وتباسى ينستيتۋتىنىڭ اتقاراتىن ءرولى زور.
كونكۋرس قوعامداعى ىزگىلىك پەن ادامگەرشىلىكتى, نەكە جانە وتباسى ينستيتۋتتارىن نىعايتۋعا باعىتتالعان. ول بيىل ءتورتىنشى رەت وتكىزىلىپ وتىر. وسى جىلى بايقاۋعا 2879 وتباسى قاتىستى, ياعني 2016 جىلمەن سالىستىرعاندا, ولاردىڭ سانى 11,6%-عا ءوستى (2016 جىلى 2579 وتباسى قاتىسقان). بۇل رەتتە قاتىسۋشىلاردىڭ 36,2%-ى (1041 وتباسى) – كوپبالالى وتباسىلار (2016 جىلى 1065 بولعان).
سونىمەن قاتار, وتكەن جىلمەن سالىستىرعاندا, بەلگىلى ءبىر ماماندىقپەن اينالىساتىن اۋلەتتەر وكىلدەرىنەن قۇرالعان وتباسىلار سانى 6,8%-عا كوبەيدى (2016 جىلى – 483, 2017 جىلى – 516) جانە جاس وتباسىلار سانى دا 6%-عا ۇلعايدى (2016 جىلى – 472, 2017 جىلى – 500).
مامىر ايىندا بارلىق وبلىستار مەن رەسپۋبليكالىق ماڭىزى بار قالالاردا ايماقتىق كەزەڭنىڭ اقىرعى مارەدەگى جەڭىمپازدارىن ماراپاتتاۋ سالتاناتتى ءىس-شارالارى وتكىزىلىپ, ءتورتىنشى – ۇلتتىق كەزەڭگە قاتىساتىن 2 وتباسى انىقتالعان بولاتىن.
وتىرىستا ۇلتتىق كەزەڭگە قاتىساتىن 16 ۇمىتكەر بەكىتىلدى.
«مەرەيلى وتباسى» كونكۋرسىنىڭ فينالدىق كەزەڭىندە جەڭىمپازدى انىقتاۋعا ەلدىڭ بارلىق ازاماتتارى kaztube.kz سايتى جانە سمس-حابارلامالار ارقىلى ينتەراكتيۆتى داۋىس بەرۋ ادىسىمەن تىكەلەي اتسالىسا الادى.
داۋىس بەرۋ قورىتىندىسى قىركۇيەكتىڭ ەكىنشى جەكسەنبىسىندە – وتباسى كۇنى قارساڭىندا شىعارىلادى.
