ال استانا ۋاقىتىمەن ساعات 13:00-دەگى جاعداي بويىنشا 16 وڭىردە قازاقستان رەسپۋبليكاسى پارلامەنتى سەناتىنىڭ دەپۋتاتتىعىنا كانديداتتاردى سايلاۋدا داۋىس بەرۋدىڭ الدىن الا قورىتىندىلارى شىعارىلدى.
قازاقستان ورتالىق سايلاۋ كوميسسياسىنىڭ حاتشىسى باقىت مەلدەشوۆتىڭ سوزىنە سۇيەنسەك, الدىن الا قورىتىندى بويىنشا اقمولا وبلىسىنان داۋرەن ادىلبەكوۆ, اقتوبە وبلىسىنان مۇحتار جۇماعازيەۆ, الماتى وبلىسىنان نۇرلان قىلىشباەۆ, اتىراۋ وبلىسىنان عۇمار دۇيسەمباەۆ, شىعىس قازاقستان وبلىسىنان دۇيسەنعازى مۋسين, جامبىل وبلىسىنان ابدالى نۇراليەۆ, باتىس قازاقستان وبلىسىنان ناريمان تورەعاليەۆ, قاراعاندى وبلىسىنان رىسقالي ابدىكەروۆ, قىزىلوردا وبلىسىنان مۇرات باقتيار ۇلى, قوستاناي وبلىسىنان جەڭىس نۇرعاليەۆ, ماڭعىستاۋ وبلىسىنان باقتىباي شەلپەكوۆ, پاۆلودار وبلىسىنان نۇرجان نۇرسيپاتوۆ, سولتۇستىك قازاقستان وبلىسىنان ەرىك سۇلتانوۆ, وڭتۇستىك قازاقستان وبلىسىنان ءالىمجان قۇرتاەۆ, استانا قالاسىنان ەدىل مامىتبەكوۆ جانە الماتى قالاسىنان دينار نۇكەتاەۆا باسىم داۋىسقا يە بولعان.
«سايلاۋ ناۋقانىنا قاتىسقان حالىقارالىق بايقاۋشىلاردىڭ سانى − 172. شەتەلدىك باق وكىلدەرىنىڭ سانى − 116. بارلىعى − 288 بايقاۋشى. سايلاۋ ناۋقانى ەلىمىزدىڭ سايلاۋ تۋرالى زاڭناماسى تالاپتارىنا سايكەس ءوتتى. ارىز-شاعىمدار وسى ۋاقىتقا دەيىن ورتالىق سايلاۋ كوميسسياسىنا كەلىپ تۇسكەن جوق», دەدى ب.مەلدەشوۆ.
ايتا كەتەيىك, ەڭ كوپ داۋىس جيناعان كانديداتتاردىڭ اراسىندا ءىس باسىنداعى 4 سەناتور بار.
«قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 78-بابى 2-تارماعىنا سايكەس, وبلىستىق, استانا جانە الماتى قالالىق اۋماقتىق سايلاۋ كوميسسيالارىنىڭ داۋىستاردى ساناۋ حاتتاماسى سايلاۋ كۇنiنەن باستاپ ەكi كۇننەن اسپايتىن مەرزiم iشiندە ورتالىق سايلاۋ كوميسسياسىنا جiبەرىلەدi.
ولاردىڭ نەگىزىندە ورتالىق سايلاۋ كوميسسياسى رەسپۋبليكا بويىنشا تۇتاس العاندا سايلاۋ قورىتىندىلارىن سايلاۋ وتكiزiلگەن كۇننەن باستاپ جەتi كۇن مەرزiمنەن كەشiكتiرمەي, ياعني 5 شىلدەگە دەيىن شىعارادى.
باۋىرجان مۇقانوۆ,
«ەگەمەن قازاقستان»
