ەكونوميكانىڭ ساپالى وسىمىنە قول جەتكىزۋ ءۇشىن ورتالىق جانە وڭىرلىك دەڭگەيدە باستى ستراتەگيالىق باعدارلامالاردى ۇيلەستىرىلگەن ىسكە اسىرۋدى قامتاماسىز ەتۋ قاجەت:
• ءونىمدى جۇمىسپەن قامتۋ جانە جاپپاي كاسىپكەرلىك باعدارلاماسى;
• «نۇرلى جەر» تۇرعىن ءۇي قۇرىلىسى باعدارلاماسى;
• اوك دامىتۋ باعدارلاماسى.
بۇدان وزگە, «يندۋستريا 4.0» ەلەمەنتتەرىن ەنگىزۋدى ەسكەرە وتىرىپ, ەكونوميكانىڭ بازالىق سالالارىن تەحنولوگيالىق جاڭعىرتۋدى جەدەلدەتۋ قاجەت. وسىعان بايلانىستى ۇكىمەت ونەركاسىپ كاسىپورىندارىن قولداۋدىڭ قاجەتتى شارالارىن قابىلدايدى.
باقىتجان ساعىنتاەۆ جۇمىس ىستەپ تۇرعان وندىرىستەردى تەحنولوگيالىق جاڭارتۋعا جانە بازالىق سالالاردان جۇمىستان بوساتىلعان جۇمىسكەرلەردى سەرۆيستىك ەكونوميكاعا كوشىرۋدى باسقارۋ بويىنشا جۇيەلى جۇمىسقا, جاڭا يندۋستريالارعا جانە قاراپايىم زاتتار ەكونوميكاسىنا باسا نازار اۋداردى. سونىمەن قاتار, ءونىمدى جۇمىسپەن قامتۋ جانە جاپپاي كاسىپكەرلىك باعدارلاماسىن ىسكە اسىرۋ اياسىندا جۇمىسسىزداردى كاسىپتىك وقىتۋ جانە ءوزىن-ءوزى جۇمىسپەن قامتىعان حالىقپەن جۇمىس ماسەلەلەرى تالقىلاندى.
وزگەرىپ جاتقان الەمدىك جاعداياتتى ەسكەرە وتىرىپ, ءوڭىردىڭ ەكونوميكاسىن ءارتاراپتاندىرۋ قاجەت. اتاپ ايتقاندا, ينۆەستيتسيالاردى تارتۋ جانە سالانى تسيفرلاندىرۋ ارقىلى وڭدەۋ ونەركاسىبىن دامىتۋ قاجەت.
كەزدەسۋ بارىسىندا قىزىلوردا وبلىسىنىڭ اكىمى ق. كوشەرباەۆ پرەزيدەنتتىڭ جولداۋىن ىسكە اسىرۋدىڭ ارالىق قورىتىندىلارى تۋرالى باياندادى جانە ءوڭىردىڭ الەۋمەتتىك-ەكونوميكالىق دامۋ قارقىنى تۋرالى حابارلادى.
قوعام وكىلدەرى, ونىڭ ىشىندە «سىر مارجانى» جشس باسشىسى م. وتەەۆ, «ارالتۇز» اق باسشىسى د. مۇقاشەۆ, وبلىستىق ءبىلىم جانە عىلىم جۇمىسكەرلەرى كاسىپوداعىنىڭ توراعاسى ر. باينازاروۆا, وبلىستىق ءماسليحات دەپۋتاتى ا. ماحامبەتوۆ, «وrda Glass ltd» جشس باسشىسى ە. ساعىمباەۆ پەن «نۇراي» جشس باسشىسى C. الشىنباەۆ, جازۋشى س. جۇباتىروۆ, «بايقوڭىر» اگروحولدينگىنىڭ ديرەكتورى م. ەسپانوۆ ءوڭىردى الەۋمەتتىك جانە ينفراقۇرىلىمدىق دامىتۋ, اوك سالاسىنداعى جانە وبلىس ەكونوميكاسىنىڭ باسقا سالالارىنداعى جوبالاردى ىسكە اسىرۋ ماسەلەلەرىن كوتەردى.
قر ينۆەستيتسيالار جانە دامۋ ءمينيسترى ج. قاسىمبەك, قر ەنەرگەتيكا ۆيتسە-ءمينيسترى ءا. ماعاۋوۆ, ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ب. نۇرىمبەتوۆ, «تۇرعىن ءۇي قۇرىلىس جيناق بانكى» باسقارما توراعاسى ل. يبراگيموۆا اتالعان تاقىرىپتار بويىنشا تۇسىنىكتەمەلەر مەن جاۋاپتار بەردى.
