وتكەن سەنبى كۇنى جەر-دۇنيەنى سەل قىلىپ جىبەرگەن نوسەر جاڭبىر وبلىس تۇرعىندارى ءۇشىن بىرقاتار قولايسىزدىق تۋدىردى. ءتىپتى, كوشەلەردە كەتىپ بارا جاتقان كولىكتەر جۇرىستەرىن باياۋلاتۋعا بولماسا ۋاقىتشا توقتاۋعا تۋرا كەلدى. كەيبىرەۋلەر اسپاننان پەرىشتە تۇرىندەگى بۇلتتار كورگەنىن, وزگەشە قۇيىننىڭ «ويناق سالعانىن» ايتىپ, سان-ساققا جۇگىرتكەندەر دە بولدى.
ءبىز «قازگيدرومەت» مەكەمەسى سقوف-نىڭ ءبولىم باسشىسى گۇلزات عازيزوۆامەن حابارلاسىپ, تابيعاتتىڭ تىلسىم سىرلارى جايلى ايتىپ بەرۋىن وتىنگەن ەدىك.
– سولتۇستىك-باتىس جاقتان سوققان سۋىق اۋا سالدارىنان قاتتى جەل تۇرىپ, ونىڭ جىلدامدىعى سەكۋندىنا 19-20 مەترگە دەيىن جەتتى. اسپاندا نايزاعاي جارقىلداپ, جۇرتشىلىقتىڭ ۇرەيلەنگەنى راس. جارتى كۇننىڭ ىشىندە 12-18 مم جاڭبىر جاۋدى. بۇل – ون كۇننىڭ نورماسىنا تەڭ.
ال اسپاندا جوڭكىلە كوشكەن قورعاسىن, قارا بۇلتتاردان كەي ادامداردىڭ پەرىشتە كەسكىندەس تاڭعاجايىپ سۋرەتتەردى «كورۋىن» تابيعي قۇبىلىسقا جاتقىزار ەدىك. جاڭبىر جاۋعاننان كەيىن كۇن شايداي اشىلىپ, اسپان نەشە ءتۇرلى رەڭككە بويانىپ, ءار الۋان كەيىپ ەنەتىنى زاڭدى. بالا كەزىمىزدە شەلەكپەن سۋ اكەتىپ بارا جاتقان كەلىنشەكتى نەمەسە سالت اتتى كىسىنى تالاي مارتە كورەتىنبىز. بۇل دا سونىڭ ءبىر مىسالى.
قوبالجيتىنداي, ۇرەيلەنەتىندەي ەشتەڭە جوق.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
