جاھانداعى جاعدايدى باقىلاساق, كەي مەملەكەتتەردىڭ تەحنولوگياسى قارىشتاپ دامىپ, ەكونوميكاسى ورلەپ تۇرعانىمەن, رۋحانيات ماسەلەسى اقساپ, ول ءوز كەزەگىندە سول ەلدىڭ ەرتەڭىنە ۇلكەن قاۋىپ ءتوندىرىپ تۇرعان جاعدايلار از ەمەس. بەلگىلى عالىم اقسەلەۋ سەيدىمبەك اعامىزدىڭ قايبىر جىلدارى «استانا اقشامى» گازەتىنە بەرگەن سۇحباتىندا بىلاي دەگەن ەدى: «قازاق حالقى حالىق بولىپ تاريح ساحناسىنا شىققالى زورلىق پەن قورلىقتىڭ, سوعىس پەن سويقاننىڭ, الداۋ مەن ارباۋدىڭ, اشتىق پەن اپاتتىڭ, گەنوتسيد پەن رەپرەسسيانىڭ ۇلتتى جويۋعا باعىتتالعان نەبiر سۇمدىقتارىن كورiپ باققانى بەلگiلi. سونىڭ بارiنە دە قازاق حالقى توتەپ بەرiپ, ءوزiنiڭ ۇلتتىق بەت-بەينەسiن – تiلiن, دiلiن, دiنiن, سالت-ءداستۇرiن, رۋحاني مادەنيەتiن, مورالدىق-ەتيكالىق نورمالارىن ساقتاي العان حالىق ەدi. جانە بۇل قۇندىلىقتار ءوزiنiڭ بiرتۇتاس مونوليتتi قالپىمەن قازاق ۇلتىن ۇيىستىرۋعا, ۇلتتىق بولمىستىڭ بiر ءبۇتiن بولۋىنا قىزمەت ەتەتiن, ءسويتiپ الەۋمەتتiك قاتىناستاردىڭ بارلىق دەڭگەيلەرi مەن بارلىق تيپتەرiنە بiردەي تەگەۋرiندi ىقپالى بولاتىن. تۇپتەپ كەلگەندە, قازاق حالقىن تاريحتىڭ قىلكوپiرiنەن امان الىپ شىققان قۇدiرەت تە وسى قۇندىلىقتار ەدi».
اقپاراتتىق سوعىستىڭ الاڭىندا قارۋىمىز دا, قورعانىمىز دا ۇلتتىق رۋحانياتىمىز ەكەنىن ەلباسىمىز ناقتىلاپ كورسەتىپ بەرىپ وتىر.
پرەزيدەنتىمىز نۇرسۇلتان نازارباەۆ ءوز ماقالاسىندا: «جاڭا تۇرپاتتى جاڭعىرۋدىڭ ەڭ باستى شارتى – سول ۇلتتىق كودىڭدى ساقتاي ءبىلۋ. ونسىز جاڭعىرۋ دەگەنىڭىزدىڭ قۇر جاڭعىرىققا اينالۋى وپ-وڭاي» دەپ اتاپ كورسەتكەنىندەي, رۋحاني جاڭعىرۋ باسقانىڭ ەمەس, ءوز بولمىس-بىتىمىمىزگە تەرەڭ ۇڭىلۋمەن ىسكە اسادى دەپ بىلەمىن.
ءدال وسى رەتتە ايتا كەتەيىن. مىسالى, موتيۆاتسيانىڭ سىرتقى جانە ىشكى دەپ ەكىگە بولىنەتىنىن بىلەمىز. العاشقى تۇرىنە قارجىلاي كومەك كورسەتۋ, سالماقتى مارتەبە بەرۋ, ماقتاۋ, ماراپاتتاۋ, تاعىسىن تاعىلاردى جاتقىزامىز. ال ونىڭ ەكىنشى ءتۇرى, ادام بەلگىلى ءبىر دۇنيەلەردى ءوزى ىشتەي قالاپ تۇرادى. بىراق ول ءۇشىن ساعان ەشكىم اقشا تولەمەيدى, ماقتامايدى, بىراق سەن ونى ءوز ەركىڭمەن ىستەيسىڭ, ودان تاعى ءلاززات الاسىڭ. ايتايىن دەگەنىم, ەندىگى جەردە مەملەكەت باسشىسىنىڭ ماڭىزدى بۇل باستاماسىن ىسكە اسىرۋ ماقساتىندا ادامداردىڭ ىشكى موتيۆاتسياسىن قالاي دامىتامىز دەگەن ساۋالعا باستى نازار اۋدارعان دۇرىس دەپ ويلايمىن.
ازامات بيتان,
PR مامانى, بلوگەر
