بۇگىندە جەر شارى حالقىنىڭ جارتىسىنان كوبى قالالاردا تۇرادى. زاماناۋي مەگاپوليستەر رەسۋرستاردىڭ بارلىق تۇرلەرىنىڭ نەگىزگى تۇتىنۋشىسى بولىپ, ەكولوگيالىق ماسەلەنىڭ نەگىزگى كوزىنە اينالۋدا. قالدىقتاردى باسقارۋ جۇيەسىنىڭ وزەكتىلىگى جىل وتكەن سايىن ارتىپ كەلە جاتقانى دا سوندىقتان. قازىرگى تاڭدا ۇلكەن قالالاردىڭ تۇگەلگە جۋىعى قالدىقتاردى قورشاعان ورتاعا زييا-
نىن تيگىزبەي وڭدەۋگە مۇمكىندىك بەرەتىن شەشىمدەرگە يە. فرانتسيا مەن قازاقستان قالالارىندا قولدانىلاتىن تەحنولوگيالىق شەشىمدەر وسى شارادا تالقىلانعان نەگىزگى تاقىرىپ بولدى.
باسقوسۋ بارىسىندا قوس ەلدىڭ ماماندارى قالدىقتاردى وڭدەۋ مەن ولاردى ەنەرگيانىڭ بالامالى كوزدەرىنە اينالدىرۋ سالاسىنداعى جاڭا زەرتتەۋلەرىمەن ءبولىستى. فرانتسۋزدىق كومپانيانىڭ ۆەدومستۆوارالىق ءبولىمى ديرەكتورى كارولين شال قورشاعان ورتانى قورعاۋداعى باسىم باعىتتار مەن ەكى ەل اراسىنداعى ىنتىماقتاسۋدىڭ جانە تاجىريبە الماسۋدىڭ ىقتيمال ادىستەرى تۋرالى باياندادى. ءپاريجدىڭ ءىرى كوممۋنالدىق قىزمەتتەرى قالانىڭ ەكولوگيالىق جانە ەنەرگەتيكالىق ماسەلەلەرىن شەشۋگە ارنالعان تاجىريبەلەرى مەن رەسۋرس-
تارىن قالاي بىرىكتىرەتىنى جايىندا «SIAAP» كومپانياسى باس ديرەكتورىنىڭ ورىنباسارى دەني پەنۋەل اڭگىمەلەدى. قازاقستاندىق «ەكولوگيا جانە كليمات زەرتحانالارى» ەنەرگەتيكا ورتالىعى جەتەكشىسىنىڭ مىندەتىن اتقارۋشى, دوكتور ەربول سارباسوۆ قاتىسۋشىلارعا استانا ءۇشىن جاسالعان, تۇرمىستىق قاتتى قالدىقتاردى جاعۋدىڭ جاڭا تەحنولوگياسىمەن جانە اينالمالى قايناعان قابات ءادىسى بويىنشا كومىردى جاعۋ رەاكتيۆتىلىگىنە تۇرمىستىق اۋىر قالدىقتاردىڭ اسەرىن زەرتتەۋىمەن, سونداي-اق گازداندىرۋ ۇدەرىسىمەن تانىستىردى.
«Syctom» كومپانياسىنىڭ قىزمەتى قايتالاما شيكىزاتتى سۇرىپتاۋدى قولدانۋعا جانە ءارى قاراي وندىرۋگە نەگىزدەلگەن. بۇل قالعان قالدىقتاردان تازا ءارى قايتا جاڭارتىلاتىن ەنەرگيا الۋعا مۇمكىندىك بەرەدى. مۇنداي قادامنىڭ ناتيجەسى رەسۋرستاردى ساقتايدى. بولاشاقتىڭ مىندەتى – ازداعان قالدىقتان كوپ ەنەرگيا ءوندىرۋ», دەدى سوزىندە كومپانيانىڭ تەحنيكالىق سەرۆيس جونىندەگى باس ديرەكتورىنىڭ ورىنباسارى پەر حيرتتسبەرگەر.
اسحات رايقۇل,
«ەگەمەن قازاقستان»
