حال قالاي, كاسىپقوي بوكس؟

كاسىپقوي بوكستاعى قازاقتىڭ قازىرگى قارا نارىنىڭ ءبىرى, ءىBA اتاعىنىڭ يەسى بەيبىت شۇمەنوۆ دەسەك, ونىڭ جەكپە-جەگى 29 قاڭتاردا لاس-ۆەگاستا وتەدى. قارسىلاسى – WBA دارەجەسى بويىنشا الەم چەمپيونى گابريەل كامپيلو بولماق. ءبىزدىڭ وعىلان ونىمەن وتكەن جىلى استانا رينگىندە كەزدەسىپ, ەسەپ ايىرماشىلىعىمەن ەپتەپ ەسە جىبەرىپ العان بولاتىن. بىراق ءوزىنىڭ مىسى مەن كۇشىنە سەنىمدى بەيبىت “مەن ول كەزدەسۋدە جەڭىلگەن جوقپىن” دەپ مالىمدەگەن. ونىڭ ۇستىنە يسپان بوكسشىسى گابريەل جەكپە-جەك الدىندا دوپينگ-تەكسەرۋدەن وتپەگەن بولىپ شىقتى. بۇل, ارينە, جانكۇيەرلەر مەن مامانداردىڭ كۇدىگىن قويۋلاتا تۇسكەن. ورىندى ۋاجگە الەمدىك بوكس قاۋىمداستىعىنىڭ باسشىلىعى دا قۇلاق اسىپ, جەكپە-جەكتى قايتا وتكىزۋگە شەشىم قابىلدادى. بەيبىت باتىر كىمنىڭ كىم ەكەنىن دالەلدەپ لاس-ۆەگاستاعى قارىمتا كەزدەسۋدە جەڭىسكە جەتسە, ەلىمىزدىڭ ەندى دامىپ كەلە جاتقان كاسىپقوي بوكسى ءۇشىن ۇلكەن ابىروي بولار ەدى. قازاق جانكۇيەرلەرىنىڭ اق تىلەگى دە وسى. اقپان ايىنىڭ اياعىندا ەلىمىزدىڭ 10 كاسىپقوي بوكسشىسى اقش-قا اتتانباق. بۇل توپتىڭ قۇرامىنا ابزال ادامباەۆ (58,9 كگ), الەكساندر جۋراۆسكي (63,5 كگ), قانات قارتەڭباەۆ (63, 5 كگ), ميرجان جاقسىلىقوۆ (57 كگ), بەرىك قاليەۆ (61 كگ), ءانۋار مۇساعۇلوۆ (61 كگ), تۇرسىنبەك سىدىقوۆ (53,5 كگ), اسەت ايسين (66 كگ), جانات جاقيانوۆ (53,5 كگ) جانە يسا اقبەرباەۆ (90,7 كگ) ەندى. سونداي-اق, ەرەجەسىز ۇرىستىڭ ۇلاندارى اعايىندى ارداق جانە بەيبىت نازاروۆتار بار. اقش ساپارىنىڭ ۇيىتقىسى قازاق كاسىپقوي بوكسىن دامىتۋ ءۇشىن جارعاق قۇلاعى جاستىققا تيمەي جۇرگەن ەلىمىزدىڭ كاسىپقوي بوكس قاۋىمداستىعىنىڭ قۇرمەتتى پرەزيدەنتى, بەلگىلى مەتسەنات باۋىرجان وسپانوۆتىڭ ايتۋىنشا, ءبىزدىڭ سايىپقىراندار قاتىساتىن العاشقى تۋرنير 28 اقپاندا حيۋستوندا وتەدى. وعان الەمدىك بوكستىڭ اڭىزىنا اينالعان ايتۋلى بوكسشىلاردىڭ ءبىرى, اسا اۋىر سالماقتاعى الەمنىڭ ەكس-چەمپيونى دجوردج فورماننىڭ ءوزى ارىپتەستىك كومەك رەتىندە قول سوزباقشى. كومەك بولعاندا, ايگىلى بوكس­شىنىڭ پروموۋ­تەرلىك كومپانياسى قازاق­ستاندىق كاسىپقوي بوكسشىلاردىڭ حيۋستون, مايامي جانە لوس-اندجەلەستەگى ەڭ جاقسى دەگەن بوكس زالدارىندا جاتتىعۋ جاساۋىنا جاع­داي تۋعىزىپ, لاتىن امەريكاسىنىڭ ەڭ مىقتى دەگەن بوكسشىلارى­مەن سپاررينگ وتكىزۋگە جاردەمدەسپەك. افينا وليمپياداسىنىڭ كۇمىس جۇلدەگەرى, بەلگىلى قازاق بىلعارى قولعاپ شەبەرى گەننادي گولوۆكيننىڭ نەمىس ەلىنىڭ پرو­موۋتەرلىك كومپانياسىمەن كەلىسىم-شارتقا وتىرىپ, بىرنەشە جەكپە-جەگىن ءساتتى وتكىزگەنى بەلگىلى. جاقىندا وسى قازاقستاندىق كاسىپقوي بوكسشى الگى پروموۋتەرلىك كومپانيامەن جاساعان كەلىسىم-شارتىن ءبىر جاقتى بۇزدى. بوكسشىنىڭ ايتۋىنشا, ونى اقش رينگىنە شىعارىپ, اتاق-داڭقىن اسپانداتامىز دەگەن “جوسپاردىڭ” ەشقايسىسى ورىندالماعان. شىنىندا, قارسىلاستارىنىڭ ءبارىن جاپىرا جەڭىپ كەلە جاتقان تالانتتى بوكسشى سوڭعى 4 جىلدا بىردە-ءبىر رەت اقش رينگىنگە شىققان جوق. كومپانيا كەزدەستىرەمىز دەپ ۋادە ەتكەن اتاقتى قارسىلاستارىنىڭ ەشقاي­سىسىمەن جۇمىس جۇرگىزبەگەن. گەنناديدى گەرمانيادا اتاقتى بوكسشى رەتىندە نەمىس حالقى تۇرماق, ءتىپتى, بوكس فاناتتارىنىڭ ءوزى ونشا تاني بەرمەيدى ەكەن. شىدامنىڭ دا شەگى بار, ءسوزدىڭ توق ەتەرى, بۇدان بىلاي گەننادي ءUnىversut Box-ءPromoutىon كومپانياسىنا ءوز تاعدىرىن سەنىپ تاپسىرمايتىن بولدى. ەندىگى قامقورشىسى كىم بولاتىنى جونىندە دە ناقتى دەرەك جوق. بىراق, ءبىز مىقتى بوكس­شىنىڭ ەشقاشان ماماندار نازارىنان تىس قالمايتىنىنا سەنىمدىمىز. كاسىپقوي بوكسشى ۆيتالي دەميانەنكو دا قازاق ەلىنىڭ نامىسىن قورعاپ جۇرگەن قايسارلاردىڭ ءبىرى. بىراق جاراقاتىنا بايلانىستى سەگىز اي ەمدەلىپ, تىنىققان ول بارىس جىلى رينگكە قايتا ورالدى. ماسكەۋدە جاتتىعاتىن ول قازىر ناعىز بابىندا سياقتى. اتاپ ايتساق, 6 اقپاندا ماسكەۋدەگى بوكس كەشتەرى شەڭبەرىندە رينگە شىقپاقشى. جاي شىقپايدى, WBC ءAsىan ءBoxىng ءCouncى, WBO ءAsىa ءPacىfىc جانە PABA دارەجەلەرى بويىنشا الەم چەمپيونى دەگەن اتاعىن قورعايدى. قارسىلاسى جانكۇيەرلەرگە “قىتايلىق” دەگەن لاقاپ اتپەن ءمالىم ارگەنتينالىق حورحە دانيەل ميراندا بولماق. ول 33 جەكپە-جەك وتكىزىپ, ونىڭ 25-دە جەڭىسكە جەتىپتى. ەگەر 27 جاستاعى ۆ.دەميانەنكو جەڭىسكە جەتكەن جاعدايدا, الەمدەگى رەيتينگى ەڭ مىقتى دەگەن بوكسشى دجوۋشا كلوتتيمەن شەبەرلىك سىناسادى. مىنە, ناعىز مايدان سوندا بولادى. ەلىمىزدىڭ كاسىپقوي بوكس قاۋىمداس­تى­عى­نىڭ قۇرمەتتى پرەزيدەنتى, بەلگىلى كا­سىپكەر-مەتسەنات باۋىرجان وسپانوۆ, بوكس فەدە­را­تسياسىنىڭ ۆيتسە-پرە­زي­دەنتى بولات مانكەنوۆتىڭ ايتۋىنشا, قازاق كاسىپ­قوي بوكسى ەندى دامىپ كەلەدى. ونىڭ مەرەيى ۇستەم بولا بەرۋى ءۇشىن قاۋىمداستىق قولدان كەلگەن بارلىق جاعدايدى جاسايدى. كوسەمالى ساتتىباي ۇلى.