فوتو: اشىق دەرەككوز
«قازاۆتوجول» كومپانياسىنىڭ مالىمەتىنشە, 26 اقپان كۇنى ساعات 08:30-داعى جاعداي بويىنشا جەتى رەسپۋبليكالىق اۆتوجول ۋچاسكەسىندە ۋاقىتشا قوزعالىس شەكتەلگەن. شەكتەۋلەر اۋا رايىنىڭ كۇرت ناشارلاۋىنا بايلانىستى ەنگىزىلگەن.
اقتوبە وبلىسىندا
رەسەي فەدەراتسياسى شەكاراسى – مارتوك – اقتوبە – قارابۇتاق – قىزىلوردا – شىمكەنت – تاراز – قورداي – الماتى – قورعاس – قىتاي حالىق رەسپۋبليكاسى شەكاراسى باعىتىنداعى جولدىڭ 776-1240 شاقىرىم ارالىعى (ازس «ەكو ويل» – ىرعىز اۋىلى – قىزىلوردا وبلىسىنىڭ شەكاراسى) جابىلدى.
جامبىل وبلىسىندا
اتالعان حالىقارالىق ءدالىزدىڭ 159-238 شاقىرىمى (كەنەن اۋىلى – قاينار اۋىلى), سونداي-اق استانا – قاراعاندى – الماتى تاسجولىنىڭ 750-893 شاقىرىمى (قاراعاندى وبلىسىنىڭ شەكاراسى – بۋرىلبايتال اۋىلى) بويىنشا قوزعالىس شەكتەلدى.
قاراعاندى وبلىسىندا
استانا – قاراعاندى – الماتى اۆتوجولىنىڭ 738-750 شاقىرىمى (سارىشاعان كەنتى – جامبىل وبلىسىنىڭ شەكاراسى) جابىق.
ۇلىتاۋ وبلىسىندا
قىزىلوردا – جەزقازعان – قاراعاندى – شىدەرتى جولىنىڭ 216-424 شاقىرىمى (قىزىلوردا وبلىسىنىڭ شەكاراسى – جەزقازعان قالاسى) بويىنشا شەكتەۋ ەنگىزىلدى.
قىزىلوردا وبلىسىندا
رەسەي شەكاراسى – قورعاس باعىتىنداعى جولدىڭ 1240-2055 شاقىرىم ارالىعى (اقتوبە وبلىسىنىڭ شەكاراسى – بايگەكۇم اۋىلى – تۇركىستان وبلىسىنىڭ شەكاراسى), سونداي-اق قىزىلوردا – جەزقازعان – قاراعاندى – شىدەرتى تاسجولىنىڭ 12-216 شاقىرىمى (قىزىلوردا قالاسى – ۇلىتاۋ وبلىسىنىڭ شەكاراسى) ۋاقىتشا جابىلدى.
تۇركىستان وبلىسىندا
رەسەي شەكاراسى – قورعاس باعىتىنداعى جولدىڭ 2055-2095 شاقىرىمى (قىزىلوردا وبلىسىنىڭ شەكاراسى – تۇركىستان قالاسى) بويىنشا قوزعالىسقا شەكتەۋ قويىلدى.
قازىرگى تاڭدا رەسپۋبليكالىق اۆتوجولداردى كۇتىپ-ۇستاۋ جۇمىستارىنا 741 ارنايى تەحنيكا جۇمىلدىرىلعان.
