پارلامەنت سەناتى توراعاسىنىڭ ورىنباسارى ب.بەكنازاروۆتىڭ فينليانديا رەسپۋبليكاسى پارلامەنتىنىڭ دەپۋتاتى, قازاقستانمەن پارلامەنتتىك ىنتىماقتاستىق توبىنىڭ مۇشەسى ەەرو حەينيالۋومامەن كەزدەسۋىندە ەكى ەلدىڭ پارلامەنتارالىق ىنتىماقتاستىق ماسەلەلەرى تالقىلاندى.
پارلامەنتشىلەردىڭ كەزدەسۋى «ەكسپو-2017» حالىقارالىق كورمەسىن وتكىزۋ اياسىندا ءوتتى.
ەەرو حەينيالۋوما قازاقستان پاۆيلونىندا بولىپ, ب.بەكنازاروۆپەن ەكسپو تۋرالى وڭ اسەرلەرىمەن ءبولىستى. ء«بىز وتە ۇلكەن اسەر الدىق. عاجاپ پاۆيلون, سىزدەر كورمە وتكىزۋگە اۋقىمدى جۇمىستار اتقارىپسىزدار» , - دەدى ول.
سەنات ۆيتسە-سپيكەرى فينلياندياعا حالىقارالىق ەكسپو كورمەسىن وتكىزۋگە ارنالعان كونكۋرستا جانە 2017-2018 جىلداردا بۇۇ قاۋىپسىزدىك كەڭەسىنىڭ تۇراقتى ەمەس مۇشەلەرىن سايلاۋدا قازاقستاننىڭ كانديداتۋراسىن قولداعانى ءۇشىن العىسىن ءبىلدىردى.
«مۇمكىندىكتى پايدالانا وتىرىپ, ءسىزدى جانە ءسۋوميدىڭ بارلىق تۇرعىندارىن الداعى مەرەكەلەنەتىن ەل تاۋەلسىزدىگىنىڭ 100 جىلدىعىمەن قۇتتىقتايمىن. سىزدەر عاسىردى ەكونوميكاسى دامىعان جانە حالقىنىڭ ءومىر ءسۇرۋ دەڭگەيى جوعارى مەملەكەت رەتىندە ەڭسەرىپ كەلەسىزدەر» -, دەدى ب.بەكنازاروۆ.
تاراپتار سونداي-اق پارلامەنتارالىق ىنتىماقتاستىقتى, گۋمانيتارلىق ارەكەتتەستىكتەردى جانە ەكونوميكالىق ارىپتەستىكتى تەرەڭدەتۋ پەرسپەكتيۆالارىن تالقىلادى.
