قىمىز مەرەكەسى تۇلپارلار شەرۋىمەن باستالدى. وعان ءوڭىردىڭ بارلىق اۋداندارىنان كەلگەن اتبەگىلەر اتسالىستى. شەرۋدە جىلقىنىڭ جالىنان باستاپ تۇياعىنا دەيىن ادەمى ابزەلدەرمەن بەزەندىرىلۋىنە ءمان بەرىلدى. پوگودين اتىنداعى وبلىستىق ورىس دارما تەاترى الدىنداعى ۇلكەن الاڭعا كيىز ۇيلەر مەن شاتىرلار تىگىلىپ, بال قىمىز, دونەن قىمىز, جۋاس قىمىز, قۇنان قىمىز جانە تۇنەمە قىمىز تۇرلەرى, ۇلتتىق مازىرلەر جۇرتشىلىققا تەگىن تاراتىلدى.700 ليتردەن استام شيپالى سۋسىن لەزدە ساتىلىپ كەتتى.
ء«بىزدىڭ شارۋاشىلىق قىمىز دايىنداۋمەن اينالىسادى. قازىر 43 بيە ساۋىلادى. فەستيۆالعا 270 ليتر قىمىز اكەلدىك. باعاسى قولجەتىمدى. الداعى بىر شارا اياسىندا شەكتەلىپ قالماي داستۇرگە اينالدىرۋ قاجەت. تۇرعىنداردىڭ قىمىزعا, ۇلتتىق قولونەر بۇيىمدارىنا دەگەن سۇرانىسى ەرەكشە», دەيدى «ارقالىق شارۋا قوجالىعىنىڭ باسشىسى ناعاشىباي بارلىباەۆ.
فەستيۆال ءتورت باعىتتا ۇيىمداستىرىلىپ, مادەني قۇندىلىقتارىمىزى قىزىقتاۋشىلار قاتارى كوپ بولدى. م. جۇماباەۆ اۋدانىنان كەلگەن اعايىندى قالدىروۆتار ۇلتتىق ىدىس-اياقتىڭ, تايىنشالىق ىلياس بايماعامبەتوۆ ات ابزەلدەرىنىڭ, كەللەروۆتىق داۋات شاتارباي ۇلى سۇيەكتەن, اعاشتان, تاستان جاسالعان بۇيىمداردىڭ نەشەم تۇرلەرىن ۇسىندى.
ءومىر ەسقالي.
«ەگەمەن قازاقستان».
سولتۇستىك قازاقستان وبلىسى.
