«الەۋمەتتىك جەلىلەردە استانا اۋەجايىنا بەكىتىلگەن TSE كودىن جاڭا بەلگىگە اۋىستىرۋ جونىندە كوپتەگەن ۇسىنىستار ايتىلىپ جاتىر. ءتۇرلى نۇسقالار بار, مىسالى- NIA (Nazarbayev International Airport), NNA (Nursultan Nazarbayev Airport) نەمەسە NAN. قازىر ءبىز IATA-مەن كەلىسسوز جۇرگىزىپ جاتىرمىز. بىراق بۇل ماسەلە ءبىر كۇندە شەشىلە قويماسى انىق. ويتكەنى جاڭا كود بەرۋ وڭاي شارۋا ەمەس. بىرىنشىدەن كود بارىنە بىردەي جەتە بەرمەيدى ء(تۇرلى مەملەكەتتەردەن وتىنىشتەر وتە كوپ), ەكىنشىدەن كودتىڭ اۋىسۋىنا بايلانىستى بۇكىل برونداۋ جۇيەسىنە جانە انىقتاما بيۋروسىنا وزگەرىس ەنگىزۋ كەرەك. ونىڭ ۇستىنە IATA كودتى ءبىر رەت بەرەدى جانە نەگىزسىز وزگەرتپەيدى » دەپ اتاپ ءوتتى كوميتەت توراعاسى. تالعات لاستاەۆتىڭ ايتۋىنشا وسى كۇنگە دەيىن IATA-عا كود اۋىستىرۋ جونىندە برازيليالىقتار ءوتىنىش تۇسىرگەن. بىراق, جاڭارىپ كەتكەن ەشتەڭە جوق, ريو دە جانەيرو اۋەجايىنىڭ كودى ءالى كۇنگە دەيىن- GIG. سول سكىلدى وزگە اۋەجايلاردىڭ دا كودى وزگەرە قويماعان. مىسالى, سانكت-پەتەربۋر اۋەجايى - LED (لەنينگراد), بىشكەك - FRU (فرۋنزە), مۋمباي - BOM (بومبەي). دەي تۇرعانمەن قازاقستان 4 اۋەجايدىڭ كودىن وزگەرتۋ بويىنشا كەلىسسوزدى جالعاستىرا بەرمەك. ولار: گۋرەۆ GUW اتاۋىمەن جۇرگەن اتىراۋ, دجامبۋل DMB -تاراز, شەۆچەنكو SCO-اقتاۋ. «IATA-مەن كەلىسسوزدەر جالعاسۋدا. ەگەر 4 اۋەجيدىڭ كودىن تۇگەل وزگەرتە الماساق تا, استانا اۋەجايىنىڭ كودىن اۋىستىرامىز دەگەن ۇمىتتەمىز», - دەيدى ت. لاستاەۆ. IATA كودى - حالىقارالىق اۋە كولىگى قاۋىمداستىعى بەلگىلەيتىن ءۇش ءارىپتى ەرەكشە يدەنتيفيكاتور. بۇل كود شتاب-پاتەرى مونرەالدە ورنالاسقان IATA-نىڭ ارنايى رەزوليۋتسياسىنا سايكەس بولىنەدى. IATA اۋەجايلار كودىن اۆياكومپانيالار, اۆيابيلەت ساتاتىن, كومپيۋتەرلىك جۇيە ارقىلى بيلەت بروندايتىن اگەنتتىكتەر, وزگە دە مۇددەلى ۇيىمدار اۋە ارقىلى جولاۋشىلار تاسىمالداۋ كەزىندە كوممەرتسيالىق قىزمەتتى ۇيىمداستىرۋ ءۇشىن اقپارات الماسۋ تۇرىندە پايدالانادى. IATA-نىڭ قولدانىستاعى كودتار ءتىزىمى جىلىنا ەكى رەت باسىلىپ شىعادى جانە IATA رەسي سايتىندا جاريالانادى.
