"ەلەكتروندىق ۇكىمەت" پورتالى ارقىلى قازاقستان تۋرالى, ونىڭ ۇكىمەتى, زاڭناماسى, نازار اۋدارارلىق ورىندارى تۋرالى رەسمي اقپارات الىپ, سونىمەن قاتار ونلاين رەجيمدە مەملەكەتتىك ورگاندار قىزمەتىنە جۇگىنۋگە بولادى. بۇگىندە پورتال بويىنشا 758 قىزمەت ءتۇرى كورسەتىلەدى. قازاقستاندىقتار اراسىنداعى تانىمالدىلىعى ستاتيستيكالىق ەسەپپەن راستالادى. اتاپ ايتساق, پورتال قولدانۋشىلارىنىڭ سانى 6 ميلليوننان استام. سونىمەن قاتار 180 ميلليوننان استام قىزمەت كورسەتىلدى. ودان بولەك سمارتفوندار مەن پلانشەتتەردە قولجەتىمدى "ەلەكتروندىق ۇكىمەت" ءموبيلدى باعدارلاماسى ارقىلى 80-نەن استام قىزمەت ءتۇرىن پايدالانۋعا بولادى. بۇگىنگە دەيىن وعان 2.2 ميلليون پايدالانۋشى تىركەلىپ, 8 ميلليون قىزمەت كورسەتىلدى", دەدى مينيستر.
ەستەرىڭىزگە سالا كەتسەك, استاناداعى "قازمەديا" ورتالىعىندا اقپارات جانە كوممۋنيكاتسيالار ءمينيسترى داۋرەن اباەۆتىڭ حالىقپەن ەسەپتىك كەزدەسۋى وتۋدە.
ايا ءومىرتاي,
"ەگەمەن قازاقستان"
