"اقپاراتتىق رەسۋرستاردى قالىپتاستىرۋ بويىنشا مينيسترلىك الدىندا تۇرعىندار مىندەتتەردىڭ ءبىرى - تسيفرلىق ساۋاتتىلىقتى ارتتىرۋ. وسى رەتتە اكىمدىكتەر تاراپىنان حالىقتى تسيفرلىق داعدىعا وقىتۋ بويىنشا شارالار قولعا الىناتىن بولادى. ەلدەگى اقپاراتتىق كوممۋنيكاتسيالىق ينفراقۇرىلىمدى دامىتۋ باعدارلامالارىڭ ناتيجەسىندە بۇگىندە حالىقتىڭ تسيفرلىق ساۋاتتىلىعى 76 پايىزعا جەتتى. تسيفرلىق داعدىنىڭ ەكونوميكانىڭ بارلىق سالاسىندا باسىمدىققا يە ەكەنىن ەسكەرە وتىرىپ, بۇل جۇمىستى جالعاستىرا بەرەتىن بولامىز. 2021 جىلى 1 ميلليونعا جۋىق ادام وقىپ, IT سالاسىندا 100 مىڭنان استام مامان دايىندالادى", دەدى مينيستر.
داۋرەن اباەۆ ۇيالى تەلەفون ۇرلىعىن توقتاتۋ ءۇشىن ولاردى تىركەۋ بويىنشا جۇمىستاردىڭ جۇرگىزىلىپ جاتقانىن ايتتى. ءمينيستردىڭ ايتۋىنشا, قازاقستاندا 30 ملن-عا جۋىق ۇيالى تەلەفون تىركەلگەن.
"قازاقستانعا كەلگەن 200 ءموبيلدى تەلەفوننىڭ IMEI كودى بىردەي بولىپ شىقتى. اۋقىمدى جۇمىستى 1 جارىم جىل ىشىندە اياقتايمىز. 80 پايىز تەلەفون جاستاردان ۇرلانادى", دەدى داۋرەن اباەۆ. سونىمەن قاتار مينيستر جىلدىڭ سوڭىنا دەيىن مينيسترلىك سايتىندا «ۇيالى بايلانىس ساپاسىنا حالىقتىق باقىلاۋ» سەرۆيسىن ىسكە قوسۋ جوسپارلانعانىن ايتتى. سونداي-اق مينيستر ەسەپتىك كەزدەسۋ بارىسىندا بۇرىڭعى ون جىلمەن سالىستىرعاندا قازاق تىلىندەگى جارناما قارقىندى دامىپ كەلە جاتقانىن اتاپ ءوتتى.
ايا ءومىرتاي,
"ەگەمەن قازاقستان"
سۋرەتتى تۇسىرگەن ەرلان وماروۆ,
"ەگەمەن قازاقستان".
