"جۋرناليستەردىڭ الەۋمەتتىك مارتەبەسى تۋرالى قاراستىرىپ جاتىرمىز. بۇل ماسەلە وڭ شەشىمىن تابادى دەپ سەنەمىز. بيىلعى جىلدىڭ سوڭىنا دەيىن "باق تۋرالى" زاڭ جوباسىنا وزگەرىستەر ەنگىزەمىز. جوبانى قاراستىرىپ جاتىرمىز. سول كەزدە جۋرناليستەردى قورعاۋ جانە ولاردىڭ الەۋمەتتىك مارتەبەسى دە ەسكەرىلەتىن بولادى", دەدى مينيستر. ونىڭ ايتۋىنشا, باق تۋرالى جاڭا زاڭ جوباسى 2018 جىلى قارالادى.
داۋرەن اباەۆ ءوز سوزىندە جۋرناليستەرگە ۇي بەرۋ ماسەلەسىنە قولدان كەلگەن جۇمىستار اتقارىلاتىنىن ايتتى. "جۋرناليستەر بيۋدجەتتى مەكەمەلەرگە جاتپايدى. سەبەبى ولار باسقا جەكەمەنشىك گازەتتەردە جۇمىس ىستەپ, جوعارى جالاقى الۋى مۇمكىن دەپ ەسەپتەلەدى. سول تۇرعىدان وسى وي سانانى وزگەرتۋ دە قيىنعا سوعادى. ءبىز بانكتەرگە بارىپ, ۇلكەن مەكەمەلەرگە كومەك سۇراۋىمىز مۇمكىن. باسقا جولداردى ازىرگە ايتۋ قيىن. بىراق مەملەكەتتىك تاپسىرىس بويىنشا كومەكتەسە الامىز. بىراق باق-تىڭ 90 پايىزى جەكەمەنشىك", دەدى داۋرەن اباەۆ.
ەستەرىڭىزگە سالا كەتەيىك, استانادا اقپارات جانە كوممۋنيكاتسيالار ءمينيسترى داۋرەن اباەۆتىڭ حالىقپەن كەزدەسۋى وتۋدە.
ايا ءومىرتاي,
"ەگەمەن قازاقستان"
