كەزدەسۋدە قازاقستان مەن تۇركيا اراسىنداعى ساۋدا-ەكونوميكالىق قارىم-قاتىناستاردىڭ, سونىڭ ىشىندە ەكىجاقتى ساۋدانى ارتتىرۋ بويىنشا كەدەن ورگاندارىنىڭ ورنى مەن ماڭىزدىلىعى جونىندە ءسوز بولدى. كەدەن سالاسى بويىنشا ىنتىماقتاستىقتى ىلگەرىلەتۋگە قاتىستى ەكىجاقتى جوسپارلار دا تالقىلاندى.
«قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى قازاقستان حالقىنا ارنالعان جولداۋدىڭ نەگىزگى باسىمدىعى تۋرالى حاباردار ەتكەن ەلشى ءوز سوزىندە قازاقستان مەن تۇركيا اراسىنداعى قارىم-قاتىناستاردىڭ ستراتەگيالىق دەڭگەيدە جالعاسىپ كەلە جاتقانىن, كەدەن سالاسىنداعى ىنتىماقتاستىقتىڭ كوپجاقتى جانە ەكىجاقتى تۇعىرنامانىڭ نەگىزىندە جۇرگىزىلىپ وتىرعانىن اتاپ ءوتتى. سونىمەن قاتار, قازاقستان مەن تۇركيانىڭ كەدەن ورگاندارى اراسىنداعى ىنتىماقتاستىقتىڭ باستى باعىتتارى بويىنشا ەكىجاقتى ساۋدا سالاسىنداعى تاۋارلارعا قاتىستى الدىن الا اقپاراتتارمەن الماسۋ, ۋاكىلەتتى ەكونوميكالىق وپەراتورلاردى تانىستىرۋ جانە تاجىريبە الماسۋ ماسەلەلەرىنە نازار اۋداردى.
ءوز كەزەگىندە, مينيستر قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ ۇستانعان كورەگەن ساياساتىنا جوعارى باعا بەرىپ, قازاقستاننىڭ ورتالىق ازيا وڭىرىندەگى تۇركيانىڭ باستى ساياسي جانە ەكونوميكالىق ارىپتەسى ەكەنىن اتاپ ءوتتى. سونداي-اق, ەكى مەملەكەتتىڭ كەدەن ورگاندارىنىڭ جىبەك جولى جانە كەرۋەن ساراي جوبالارى بويىنشا ءوزارا ىنتىماقتاستىعىنىڭ ماڭىزدىلىعىنا توقتالدى. ەكى ەل اراسىندا كەلىسىلگەن ورتاق جوبالاردىڭ ىسكە اسۋىنا مۇددەلى ەكەنىن جەتكىزدى.
تۇركيانىڭ كەدەن جانە ساۋدا ءمينيسترى ب.تۇفەنكچي ەلشى ا.ساپاربەك ۇلىن جاڭا قىزمەتىمەن قۇتتىقتاپ, جۇرەكجاردى تىلەكتەستىگىن ءبىلدىردى.
