قىركۇيەك ايىنا دەيىن ERG كاسىپورىندارىنىڭ 6500 قىزمەتكەرى وسىنداي شاراعا قاتىسىپ, توپ قۇرامىنداعى مەكەمەلەردىڭ كەلەشەگىن ايقىنداۋعا اتسالىسادى. ولاردىڭ قاتارىندا ءوندىرىس وزاتتارى, شەجىرەلى ەڭبەك اۋلەتتەرىنىڭ وكىلدەرى, سالاعا ەڭبەگى سىڭگەن جانە تاجىريبەلى جۇمىسشىلار, ەڭبەك ارداگەرلەرى مەن جوعارى بىلىكتى جانە جاس تا بەلسەندى ماماندار بار. «ERG كاسىپورىندارىنداعى جۇمىسشى كادرلار قۇرامى تۇراقتى تولىقتىرىلۋى ءۇشىن كادرلىق قامتاماسىز ەتۋدىڭ كەشەندى جۇيەسى جولعا قويىلعان. ول مەكتەپ تۇلەكتەرىن كاسىبي باعدارلاۋدان باستاپ, وقۋ ورىندارىمەن مامان دايارلاۋ ىسىندەگى ارىپتەستىككە ۇلاسىپ, كاسىپورىنداردا جۇمىسشى ماماندار دايارلاۋ, كاسىپورىندارداعى جاس مامانداردى بەيىمدەۋ جۇيەسىنە دەيىنگى ساتىلاردى تولىق قامتيدى. ءبىز بۇگىن ودان ءارى ىلگەرىلەپ – جەكە كورپوراتيۆتىك اكادەميا جوباسىن جۇزەگە اسىرۋعا كىرىستىك. توپتا سوڭعى بەس جىلدا, ورتا ەسەپپەن جىلىنا 27 مىڭ ادام وقىتىلىپ كەلەدى. بۇل كومپانيا كاسىپورىندارىندا ەڭبەك ەتىپ جۇرگەن ۇجىمنىڭ تەڭ جارتىسىنا جۋىقتايدى. وسى ۋاقىت ارالىعىندا ERG بۇل ماقساتتارعا 2,6 ملرد تەڭگەدەن استام ينۆەستيتسيا قۇيدى», دەيدى ەۋرازيالىق توپتىڭ كادرلىق ەسەپ, وقىتۋ جانە پەرسونالدى دامىتۋ دەپارتامەنتىنىڭ ديرەكتورى ليديا بەنديۋك.
«كوماندالىق جاز-2017» باعدارلاماسى اياسىنداعى شارالار تەك وقىتۋمەن شەكتەلمەي, ەكسپو-2017 كورمەسىن ارالاۋدى دا قامتيدى. ويتكەنى, ەلباسى نۇرسۇلتان نازارباەۆ كورمەنى ءبىرىنشى كەزەكتە ەلىمىزدىڭ ءار تۇكپىرىنەن كەلەتىن وتانداستارىمىز تاماشالاۋى كەرەكتىگىن باسا ايتقان. «الداعى ءۇش اي ىشىندە ارىپتەستەرىمنىڭ استاناعا كەلىپ, حالىقارالىق جيىننىڭ كۋاسى بولا الاتىنى ەرەكشە قۋانتادى. ولار مۇندا الەمدەگى وزىق شەشىمدەرمەن, تىڭ يننوۆاتسيالارمەن تانىسادى. كومپانيا قىزمەتكەرلەردى ىسساپارعا جىبەرۋ, جاتىن ورنى مەن تاماقتانۋىن, كورمەدەگى وزگە دە شىعىنداردى موينىنا الدى. ويتكەنى, ادامدار – ءبىزدىڭ باستى اكتيۆىمىز. ەۋرازيالىق توپ ولاردى جان-جاقتى دامۋعا, ەلىمىزدىڭ ومىرىنە بەلسەندى ارالاسۋعا بارىنشا ىنتالاندىرادى», دەيدى توپتىڭ پەرسونال جانە الەۋمەتتىك جۇمىس جونىندەگى باسقارۋشى ديرەكتورى يرينا داۋلەتباقوۆا.
اسحات رايقۇل,
«ەگەمەن قازاقستان»
