كەزدەسۋگە م.قۇلكەنوۆ, ە.راۋشانوۆ, ج.قورعاسبەك, ا.ءالىم ۇلى سىندى بەلدى قالامگەرلەر مەن وبلىستىق اسسامبلەيا جانىنداعى قۇرىلىمداردىڭ جەتەكشىلەرى, ەتنومادەني بىرلەستىكتەردىڭ توراعالارى, زيالى قاۋىم وكىلدەرى, «دوستىق» كلۋبتارىنىڭ مۇشەلەرى, كىتاپحانا وقىرماندارى جانە باق وكىلدەرى قاتىستى.
ەلباسى ماقالاسىنان تۋىندايتىن نەگىزگى مىندەتتەر مەن ونى ىسكە اسىرۋ جايى قارالعان جيىندا قوعامدىق سانانى جاڭعىرتۋ جايى جان-جاقتى ءسوز بولدى. جيىندا قالامگەرلەر ەسكى سارقىنشاقتاردان ەڭ الدىمەن وڭتۇستىكتىڭ تازارۋى كەرەكتىگىنە توقتالدى. وڭتۇستىك – ۇلتىمىزدىڭ ۇيىتقىسى, بەرەكە-بىرلىكتىڭ باستاۋىنان تۇسپەۋى كەرەكتىنە ەرەكشە ءمان بەرگەن قوناقتار جاڭعىرۋدىڭ جاقسى جاقتارى وسى جەردەن باستالۋى زاڭدى ەكەنىن ەرەكشە جەتكىزدى.
كەزدەسۋدى وقو قحا توراعاسىنىڭ ورىنباسارى م.قالمۇراتوۆ قورىتىپ, وبلىستىق اسسامبلەياسى ەلباسى ماقالاسى اياسىندا اتقارىلاتىن يگى ءىس-شارالاردى ءداستۇرلى تۇردە ۇيىمداستىراتىنىن جەتكىزدى.
وبلىس اكىمىنىڭ ورىنباسارى ۇ.سادىبەكوۆتىڭ قابىلداۋىندا بولعان قالامگەرلەر «قازاقستان-شىمكەنت» تەلەارناسىنىڭ «ورتاق شاڭىراق» تەلاعدارلاماسىنا قۇرمەتتى قوناق رەتىندە قاتىسىپ, تۇستەن كەيىن سوزاق اۋدانىنا جول ءجۇرىپ كەتتى
