«سەندەردىڭ جاقسىلارىڭ – قۇران ۇيرەنىپ جانە ونى وزگەگە ۇيرەتكەندەرىڭ» دەگەن پايعامبارىمىزدىڭ (س.ع.س.) حاديسىنە ساي امال ەتىپ, قۇران جاتتاۋعا نيەت ءبىلدىرىپ جۇرگەن جاستاردىڭ قاتارى جىل سايىن كوبەيىپ كەلە جاتقانى قۋانتادى», دەيدى «يمانعالي» مەشىتىنىڭ باس يمامى باتىرجان مانسۇروۆ.
قاتىسۋشىلار قۇراننىڭ ەڭ سوڭعى 30-پاراسىن جاتقا ايتۋ مەن وزدەرى جاتتاعان سۇرەنى كوركەم وقۋدان جارىسقا ءتۇستى. ناتيجەسىندە, قۇرمانعازى اۋدانىنىڭ اتىنان قاتىسقان نۇرجان ورازبەكوۆ باس جۇلدەنى جانە كىشى قاجىلىققا جولدامانى جەڭىپ الدى. ماقاتتىق سەرىك ورىنباساروۆ ءبىرىنشى, قۇرمانعازىلىق ايداربەك قابدوللاەۆ ەكىنشى ورىندى ەنشىلەدى. ال ورتالىق مەشىت قىزمەتكەرى نۇرايبەك جانىبەكوۆ ءۇشىنشى ورىننىڭ تۇعىرىنان كورىندى. قۇراندى كوركەم وقۋ سايىسىندا سالامات يمانعاليەۆتىڭ ەسىمى ۇزدىك اتاندى.
قالالىق جاستار رەسۋرستىق ورتالىعىنىڭ باسشىسى رافحات بوزباليەۆ قاسيەتتى رامازان ايىندا جاستاردىڭ ۋاقىتتارىن ءتيىمدى وتكىزىپ, اسىل ءدىنىمىزدى ناسيحاتتاۋعا ارنالعان شارالار وتكىزۋدى جوسپارلاعاندارىن ايتادى.
باقىتگۇل باباش,
«ەگەمەن قازاقستان»
