«بۇل جوبا الداعى ءۇش اي ىشىندە بارلىق ەمحانالاردا قولدانىسقا ەنگىزىلەدى», دەدى مانشۇك ايمۇرزيەۆا.
ەلەكتروندى كەزەك جوباسى تۇرعىنداردىڭ ۋاقىتىن ۇنەمدەيدى ءارى ەمدەۋ مەكەمەلەرىندەگى ءتارتىپتى ساقتاۋعا باعىتتالعان. وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ حابارلاۋىنشا, اتالعان جۇيە ءار كابينەتتە ورناتىلادى جانە ونىڭ ەرەكشەلىكتەرىن مەديتسينا ماماندارىنا وقىتۋ جايى قاراستىرىلىپ جاتىر.
اتىراۋعا بۇل جوبانى جەكە كاسىپكەر انتون سكراموۆسكي اكەلگەن. ونىڭ ايتۋىنشا, بۇعان دەيىن ورال قالاسىندا قولدانىسقا ەنگىزىلگەن جۇيە تيىمدىلىگىن دالەلدەگەن. قازىر باتىس قازاقستان وبلىسىندا ەمحاناعا كەلۋشىلەردەن ارىز-شاعىمنىڭ ءتۇسۋى 70 پايىزعا ازايىپتى.
جوبا جەتەكشىلەرى ەلەكتروندى كەزەكتىڭ ۇيالى تەلەفوندارعا ارنالعان قوسىمشالارىن شىعارۋدى دا جوسپارعا ەنگىزىپتى.
باقىتگۇل باباش,
«ەگەمەن قازاقستان»
