«ەتنيكالىق ماسس-مەديا جۋرناليستەرى ءوز باسىلىمدارى نىڭ اۋديتورياسىمەن شەكتەلىپ جاتادى. ولار وسى ماسەلەلەر بويىنشا ءوزارا قارىم-قاتىناس ورناتۋ ءۇشىن ورتالىق باق-تىڭ پاراقشالارى مەن ەفيرلەرىنە قاتىسۋى كەرەك. جەكە ەتنيكالىق باق جالپىۇلتتىق تاقىرىپتاردى ناسيحاتتاۋعا قىزىعۋشىلىق تانىتپايدى. ماسەلەن, 31 مامىردا ساياسي قۋعىن-سۇرگىنگە ۇشىراعانداردى ەسكى الۋ كۇنىندە باق ايتارلىقتاي بەلسەندى بولعان جوق. قحا ۇرانىمەن «اسكەري بولاشاق ەستەلىگى» اكتسياسى ءوتتى. بۇل ورايدا كوپتەگەن ەتنوستار ءوز تاريحىمەن بولىسۋلەرى كەرەك. جۋرناليستەردىڭ بارلىعى مۇراعاتپەن ءتيىمدى جۇمىس ىستەي المايدى. جاقىندا بەلارۋس پرەزيدەنتى ا.لۋكاشەنكو ەلباسىمىزعا سول كەزگە قاتىستى ماتەريالداردى تابىستادى», - دەگەن دارحان مىڭباي اقپارات جانە كوممۋنيكاتسيا مينيسترلىگىن وسى ماسەلەگە جاردەمدەسۋىن سۇرادى.
ءوز كەزەگىندە قازاقستان رەسپۋبليكاسى اقپارات جانە كوممۋنيكاتسيالار مينيسترلىگى اقپارات كوميتەتى ءتورايىمى نۇرگۇل ماۋبەرلينوۆا مەملەكەت باسشىسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭ جۇزەگە اسىرىلۋىندا جۋرناليستەر قاۋىمىنىڭ ءرولى وراسان ەكەنىن ايتا كەلىپ, اتالعان ۆەدومستۆو وسى ماقساتتا «رۋحاني جاڭعىرۋ» ارنايى سايتتى ىسكە قوساتىنىن مالىمدەدى.
«وندا ەلباسى ماقالاسىندا كورسەتىلگەن مىندەتتەر بويىنشا اتقارىلىپ جاتقان جۇمىستار كوپشىلىككە قولجەتىمدى ەتىلىپ, قازاقستاننىڭ قاسيەتتى جەرلەرى مەن تۋريستىك ورىندارىنان باستاپ «100 جاڭا تۇلعا» جوباسى بويىنشا جەتىستىككە جەتكەن جاستاردىڭ ءومىر جولى تۋرالى مالىمەتتەر ۇسىنىلادى. اتالعان سايت نەگىزىنەن مادەني-اعارتۋ باعىتىندا جۇمىس ىستەيتىن بولادى», - دەدى نۇرگۇل ماۋبەرلينوۆا.
وتىرىس سوڭىندا ەتنيكاارالىق كەلىسىم تاقىرىبىندا قالام تەربەگەن جۋرناليستەرگە قحا جۋرناليستەر كلۋبىنىڭ اتىنان العىس حاتتار مەن باعالى سىيلىقتار تابىستالدى.
ايتا كەتەيىك, كلۋب قر پرەزيدەنتىنىڭ تاپسىرماسى بويىنشا قۇرىلدى,. ول قحا جانىنداعى تۇراقتى كونسۋلتاتيۆتىك-ساراپشىلىق الاڭ بولىپ تابىلادى. كلۋب الدىڭعى قاتارلى بۇقارالىق اقپارات قۇرالدارىن, ەتنو-مادەني ۇيىمدار مەن بلوگەرلەردى بىرىكتىرىپ وتىر.
باۋىرجان مۇقانوۆ,
"ەگەمەن قازاقستان"
