كۋبا مەملەكەتتىك كەڭەسىنىڭ عىلىم بويىنشا كەڭەسشىسى, كۋبا عىلىم اكادەمياسىنىڭ ۆيتسە-پرەزيدەنتى فيدەل كاسترو دياس-بالارت قازاقستان استاناسىنا WSEC-2017 كونگرەسس جۇمىسىنا قاتىسقان بولاتىن. كۋبالىق وسىمەن ەكىنشى رەت استاناعا كەلىپ وتىر. العاش 2015 جىلى بولعان.
- مەن ءالى كورمەنى كورگەن جوقپىن. الايدا, مەن شەت جاعاسىن بايقاعانىمنىڭ ءوزى بۇل قازاقستان ءۇشىن ەرەكشە وقيعا. ەكسپو-نىڭ كولەمى دە تاڭقالدىرادى. جاقىن كۇندەرى ارنايى بارىپ, ەنەرگەتيكا سالاسىنداعى بارلىق زاماناۋي تەحنولوگيامەن تانىساتىن بولامىن. مەن عىلىم ءار ادامنىڭ مادەني دامۋىنىڭ ءبىر بولشەگى دەپ ەسەپتەيمىن. كوپتەگەن ساياسي كوشباسشىلار عىلىم سالاسىندا ەڭبەك ەتكەن. مەنىڭ بىلۋىمشە, قازاقتان رەسپۋبليكاسىنىڭ پرەزيدەنتى نۇرسۇلتان نازارباەۆ ساياسي باسشى بولسا دا, عىلىمي ءبىلىم-بىلىگى جوعارى, - دەدى فيدەل كاسترو دياس-بالارت.
عالىم استانالىق كونگرەسس الەمدىك يع دامۋىنا, ىسكەرلىك مۇمكىندىكتەر مەن تاجىريبە الماسۋ ورنىنا اينالاتىنىنا سەنىمدى.
فيدەل كاسترو دياس-بالارت, عىلىم الەمىندە حوسە راۋل رەتىندە تانىمال. ول ءوزىنىڭ شىن ەسىمىن جاقىندا عانا ايتتى. ونىڭ سوزىنشە, فيدەل كاستروعا تۋىستىق قاتىسى بار ەكەنىن ۇزاق جىلدار بويى قۇپيا ۇستاۋىنىڭ وزىندىك سەبەبى بار ەكەن.
