قازاقستان پارلامەنتى سەناتى توراعاسىنىڭ ورىنباسارى سەرگەي گروموۆ ەكسپو-2017 حالىقارالىق كورمەسىنە بەلسەندى قاتىسقانى ءۇشىن پولشاعا العىس ايتتى. قازىرگى كەزدە كورمەدە بالامالى ەنەرگەتيكا مەن جاسىل ەكونوميكا سالاسىنداعى الەمدىك تەحنولوگيانىڭ ۇزدىك ۇلگىلەرى كورىنىس تاپتى.
س. گروموۆ ۆارشاۆا ءبىزدىڭ ەلىمىزدىڭ ەۋروپالىق وداقتاعى جانە ورتالىق ەۋروپاداعى ماڭىزدى ارىپتەسى ەكەنىن اتاپ ءوتتى. ونىڭ پىكىرىنشە, پولشا پرەزيدەنتى اندجەي دۋدانىڭ بيىلعى قىركۇيەكتەگى استاناعا ساپارى ىنتىماقتاستىقتىڭ كەلەشەگى زور باعىتتارىن ىلگەرىلەتۋگە ىقپال ەتەتىن بولادى.
قازاقستان سەناتى توراعاسىنىڭ ورىنباسارى ءبىزدىڭ ەلىمىز پارلامەنتى جوعارعى پالاتاسىنىڭ كونستيتۋتسيالىق وكىلەتتىكتەرىمەن جانە ەلىمىزدەگى ساياسي جانە الەۋمەتتىك-ەكونوميكالىق رەفورمالاردىڭ نەگىزگى باعىتتارىمەن مەيمانداردى تانىستىردى.
اڭگىمە بارىسىندا ەكونوميكالىق جانە گۋمانيتارلىق سالالارداعى ەكىجاقتى بايلانىستاردىڭ كەلەشەگى تالقىلاندى. كەزدەسۋگە قاتىسۋشىلار پارلامەنتارالىق بايلانىستاردى دامىتۋعا ەرەكشە نازار اۋداردى.
ماريا كوتس ءبىزدىڭ ەلدەرىمىز اراسىندا قول جەتكەن ءوزارا تۇسىنىستىك دەڭگەيىن جوعارى باعالادى جانە قازاقستان مەن پولشا اراسىنداعى پارلامەنتارالىق ۇنقاتىسۋدى جالعاستىرۋ قاجەتتىگى تۋرالى ايتتى.
