«استانادا ەكىنشى كۇن قاتارىنان انومالدى اپتاپ ورنادى. 35-36 گرادۋسقا شىداۋ قيىن. ءبىز قايىرىمدى ءىس جاساعىمىز كەلدى, ەكىنشى كۇن قاتارىنان حالىق شوعىرلانعان ورىندارعا تەگىن سۋ قۇتىلارىن ورناتۋدامىز. نەگىزىنەن, قارت كىسىلەر, جاس بالالار مەن جۇكتى ايەلدەر ريزاشىلىق بىلدىرۋدە. وسى ءۇشىن قۋانامىز. بيزنەستىڭ الەۋمەتتىك جاۋاپكەرشىلىگى بولۋى ءتيىس. ءبىزدىڭ ءاربىرىمىز ەلىمىزدىڭ ءاربىر ازاماتى جانە قالا قوناقتارى ءۇشىن جاۋاپتى بولۋىمىز كەرەك» دەيدى ەلوردا تۇرعىنى.
استانا قالاسى جانە اقمولا وبلىسىندا اپتاپ ىستىققا بايلانىستى الدىن الا ەسكەرتۋ جاريالاندى. «كازگيدرومەت» ورتالىعىنىڭ حابارلاۋىنشا, اۋا تەمپەراتۋراسى استانادا 33-35 گرادۋستا كورسەتەدى.
سينوپتيكتەردىڭ بولجامىنشا, استانادا جوعارى تەمپەراتۋرا 26-27 ماۋسىم كۇندەرى بولادى. وسى كۇندەرى كولەڭكەدەگى اۋا تەمپەراتۋراسى 39 گرادۋس بولادى دەپ كۇتىلۋدە. 28 ماۋسىمنان كەيىن سالقىن تەمپەراتۋرا ورناي باستايدى.
