شاراعا وبلىس اكىمىنىڭ ورىنباسارى عالىمجان ءابدىرايىموۆ ارنايى قاتىسىپ, وڭىرىمىزدە مۇنداي سانيتارلىق اۆتوكولىكتىڭ 28 مەكەمەگە بەرىلگەنىن, بۇل ماقساتتا جەرگىلىكتى بيۋدجەتتەن 211 ميلليون تەڭگە بولىنگەنىن اتاپ ءوتتى.
سونىمەن قاتار, وبلىستاعى دەنساۋلىق ساقتاۋ مەكەمەلەرىن جاڭا مەديتسينالىق قۇرال-جابدىقتارمەن قامتاماسىز ەتۋگە بيىل 2 ميلليارد تەڭگە كولەمىندە قارجى جۇمسالسا, وبلىستاعى 408 مەديتسينالىق مەكەمەنىڭ 14-ءى جاڭادان سالىنىپ, 12-ءسى كۇردەلى جوندەۋدەن وتكەن. عالىمجان رايىل ۇلى وز سوزىندە ەلباسى بارلىق جولداۋلارىندا مەديتسينا سالاسىنىڭ دامۋىنا ەرەكشە نازار اۋدارىپ كەلەتىندىگىن جانە وبلىس باسشىسىنىڭ دەنساۋلىق ساقتاۋ سالاسىنا ەرەكشە كوڭىل ءبولىپ وتىرعانىن جەتكىزىپ, بىرقاتار مەديتسينا قىزمەتكەرلەرىن وبلىس اكىمىنىڭ قۇرمەت گراموتاسىمەن ماراپاتتادى. ال وبلىستىق دەنساۋلىق ساقتاۋ باسقارماسىنىڭ باسشىسى تىلەۋحان ابىلداەۆ ارىپتەستەرىنىڭ تىنىمسىز ەڭبەگىن ەرلىككە بالاپ, اق حالاتتى ابزال جاندارعا ءوز اتىنان ريزاشىلىعىن ءبىلدىردى. بۇدان كەيىن بىرقاتار مەديتسينا قىزمەتكەرلەرى ەلىمىزدىڭ دەنساۋلىق ساقتاۋ مينيسترلىگىنىڭ «ەڭبەك ارداگەرى» مەدالىمەن جانە «قر دەنساۋلىق ساقتاۋ سالاسىنىڭ ۇزدىگى» توسبەلگىسىمەن ماراپاتتالدى.
اتالعان ماراپاتتار وڭىرىمىزگە بەلگىلى عالىم دارىگەرلەر ورازقۇل دوسقۇلوۆ, تولەنبەك ساۋىرباەۆ جانە ساعىندىق وردابەكوۆكە بەرىلدى. سالتاناتتى جيىن سوڭى ءوڭىر ونەرپازدارىنىڭ كونتسەرتىنە ۇلاستى.
حاميت ەسامان,
«ەگەمەن قازاقستان»
جامبىل وبلىسى
