ەكىجاقتى كەزدەسۋ بارىسىندا قازاقستان مەن دۇنيەجۇزىلىك بانك اراسىنداعى ىنتىماقتاستىقتىڭ وزەكتى ماسەلەلەرى تالقىلاندى. بۇگىندە ءبىزدىڭ ەلدە وسى بانكتىڭ قولداۋىمەن جالپى قۇنى 8,1 ميلليارد دوللار كولەمىندەگى 46 جوبا ىسكە استى.
گۇلشارا ابدىقالىقوۆا بيىل قازاقستان مەن دۇنيەجۇزىلىك بانك اراسىنداعى ىنتىماقتاستىققا 25 جىل تولىپ وتىرعانىن اتاپ ءوتتى. بانك شيرەك عاسىردا ەلىمىزدەگى جەكەمەنشىك سەكتوردى دامىتۋعا, قۇرىلىمدىق رەفورمالار جۇرگىزۋگە جانە ينفراقۇرىلىمدى جاقسارتۋعا وزىندىك ۇلەس قوستى.
مەملەكەتتىك حاتشى قازاقستان 2050 جىلعا قاراي وزىق دامىعان 30 ەلدىڭ قاتارىنا قوسىلۋدى ماقسات ەتىپ وتىرعانىن ايتتى. ەلباسى ن.نازارباەۆتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى حالىققا جولداۋىندا ەكونوميكالىق ءوسىمنىڭ جاڭا مودەلىن قالىپتاستىرۋ مىندەتى قويىلدى.
گۇلشارا ابدىقالىقوۆا 2017 جىلى قازاقستان دۇنيەجۇزىلىك بانكتىڭ «بيزنەس جۇرگىزۋ جەڭىلدىگى» رەيتينگىندە 190 ەلدىڭ اراسىندا 51-ورىننان 35-ورىنعا كوتەرىلگەنىن اتاپ ءوتتى. «تاۋەلسىزدىك جىلدارىندا ەلىمىزگە كەلگەن شەتەلدىك تىكەلەي ينۆەستيتسيانىڭ جالپى كولەمى شامامەن 280 ميلليارد دوللار بولدى», – دەدى مەملەكەتتىك حاتشى.
تاراپتار ەكىجاقتى ىنتىماقتاستىقتى دامىتۋدىڭ قازىرگى قارقىنىنا قاناعاتتاناتىنىن جەتكىزدى.
كەزدەسۋ سوڭىندا گۇلشارا ابدىقالىقوۆا ا.براۋنعا اماندىق تىلەپ, بانككە مۇشە ەلدەردىڭ ورنىقتى ەكونوميكالىق ءوسىمىن قامتاماسىز ەتۋدە تابىسقا جەتۋىنە نيەتتەستىگىن ءبىلدىردى.
