فينلياندياىنىڭ سىرتقى ساۋدا جانە دامۋ ءمينيسترى كاي ميۋككيانەن باستاعان دەلەگاتسيانىڭ جارتىسى استاناعا كەلدى. قازاقستان مەن فينليانديا اراسىنداعى تىكەلەي رەيس اپتاسىنا ەكى رەت, سارسەنبى جانە جۇما كۇندەرى قاتىنايدى. اتالمىش رەيستەر Airbus 319 اۋە كەمەسىمەن استانادان جەرگىلىكتى ۋاقىت بويىنشا ساعات 05:40-تا ورىندالادى. ەكى ەل اراسىنداعى رەيستى اشۋدا قر يدم ازاماتتىق اۆياتسيا كوميتەتى مەن فينليانديانىڭ اۆياتسيالىق بيلىگى بىرلەسە جۇمىس اتقاردى. حالىقارالىق ەكسپو-2017 كورمەسىنىڭ وتۋىنە بايلانىستى فين تاراپىنا اپتاسىنا 7 رەيس ورىنداۋ قۇقىعى بەرىلدى. سونىمەن قاتار, جاقىن ۋاقىتتا فينليانديا پرەزيدەنتى قازاقستانعا كەلەدى.
انىقتاما: JACDEC زەرتتەۋ بيۋروسىنىڭ اقپاراتى بويىنشا فينليانديانىڭ «Finnair» ءىرى اۋە كومپانياسى 2012-2013 جىلدارى ەۋروپاداعى ەڭ قاۋىپسىز اۋە كومپانيا اتانعان جانە قاۋىپسىزدىك جونىنەن الەم بويىنشا ەكىنشى ورىندى يەلەنگەن.
