استانالىق ىشكى ىستەر دەپارتامەنتىنىڭ قىزمەتتىك اۆتوكولىكتەرىنىڭ سانى قازاقستاندا قۇراستىرىلعان 94 كولىككە تولىقتى. اۆتوكولىكتەر سيگنالدى-داۋىس زورايتقىش قۇرىلعىلارمەن, راديوستانتسيالارمەن, بەينە تىركەگىش جانە باسقا دا زاماناۋي تەحنيكالىق تالاپتارعا ساي قۇرالدارمەن جابدىقتالعان.
جاڭا اۆتوكولىكتەر جول-پاترۋلدىك پوليتسيا پولكىنە, ۋچاسكەلىك پوليتسيا ينسپەكتورلارىنا, جەرگىلىكتى پوليتسيا قىزمەتىنىڭ كينولوگيالىق ۆزۆودىنا, اۋداندىق باسقارمالار مەن اكىمشىلىك پوليتسيانىڭ كەزەكشى بولىمدەرىنە پايدالانۋعا بەرىلدى.
بۇل اتالعان بولىنىستەر قىزمەتىنىڭ جەدەلدىگىن ارتتىرۋعا جانە ەلورداداعى قوعامدىق ءتارتىپتى قامتاماسىز ەتۋگە سەپتىگىن تيگىزەدى.
«جول قاۋىپسىزدىگىن قورعاۋ ماقساتىندا پوليتسەيلەر سۇيەمەلدەۋدى قامتاماسىز ەتىپ, ەكسپو حالىقارالىق كورمەسىنە كەلگەن مەكتەپ وقۋشىلارىنا, باسقا ايماقتاردان كەلۋشىلەرگە جانە شەتەلدىك تۋريستەرگە قالا اۋماعىنا بەيىمدەلۋىنە كومەك كورسەتەدى», - دەلىنگەن تاراتىلعان حابارلامادا.
