شارانىڭ ماقساتى – ماقتا ونىمدىلىگىن ەكولوگيالىق تازا جولمەن ءوسىرۋ تەحنولوگياسىن ساقتاۋ, ماقتا ەگىستىگىن زيانكەستەردەن حيميالىق ەمەس بيولوگيالىق جولمەن قورعاۋ بولىپ تابىلادى.
سەميناردا ءسوز العان وقو اۋماقتىق ينسپەكتسيا باسشىسى ن. بادىراكوۆ وبلىسىمىزداعى زيانكەستەرمەن كۇرەس جۇمىستارىنىڭ بارىسىن باياندادى.
«2013-2016 جىلدار ارالىعىندا قر اۋىل شارۋاشىلىعى مينيسترلىگىنىڭ تىكەلەي قولداۋىمەن 2013 جىلى بيواگەنتتەردىڭ جانە بيوپرەپاراتتاردىڭ قۇنىن ارزانداتۋعا العاش رەت 150 ميلليون تەڭگە قارجى ءبولىنىپ, 40 مىڭ گەكتارعا جۋىق ماقتا القابى بيولوگيالىق ادىسپەن وڭدەلدى. ناتيجەسىندە ماقتا ونىمدىلىگى وبلىستا رەكوردتىق كورسەتكىشكە جەتىپ 28 تس/گا قۇراسا, ماقتانىڭ ورداسى ماقتاارالدا 30تس/گا قۇرادى. بۇل بيولوگيالىق تاسىلدەردىڭ ءتيىمدى ەكەنىن كورسەتەدى», - دەيدى ينپەكتسيا باسشىسى.
سونداي-اق, سەميناردا «ماقتا داقىلىنىڭ زيانكەستەرىنە حيميالىق جانە بيولوگيالىق تاسىلمەن كۇرەس» تاقىرىبىندا قازاق وسىمدىك قورعاۋ جانە كارانتين عىلىمي-زەرتتەۋ ينستيتۋتىنىڭ وكىلى ب.كوپجاساروۆ, «قازاقستاندا ماقتا شارۋاشىلىق سالاسىنىڭ بۇگىنگى تاڭدا دامۋ جولدارى» تاقىرىبىندا قازاق ماقتا شارۋاشىلىعى عىلىمي-زەرتتەۋ ينستيتۋتىنىڭ باس ديرەكتورى يبادۋللا ۇمبەتاەۆ بايانداما جاسادى.
ايتا كەتەيىك, سەمينار-كەڭەسكە اۋماقتىن ينپەكتسيا مەن بولجام ورتالىعىنىڭ باسشىلارى مەن ماماندارى, اۋداندىق ءبولىم باسشىلارى مەن ماماندارى, اۋىلدىق وكرۋگ اكىمدەرى, جەر ماماندارى, بيوفابريكا, بيولابوراتوريا مەن اگروقۇرىلىم باسشىلارى قاتىسىپ, ماقتا شارۋاشىلىعىنا قاتىستى كوپتەگەن اقپاراتتارعا قانىق بولدى
