بۇل تۋرالى ۇلتتىق بانك توراعاسى دانيار اقىشەۆ پارلامەنت پالاتارىنىڭ بىرىككەن وتىرىسى بارىسىندا ايتتى, - دەپ حابارلايدى Tengrinews.kz.
بانك توراعاسىنىڭ ايتۋىنشا, بانك اكتيۆتەرىنىڭ ساپاسىنا باعا بەرۋ بويىنشا جۇمىستار جۇگىزىلەدى. اقىشەۆ بۇل تەكسەرىستەردەن كەيىن بانكتىڭ شىنايى جاعدايى كورىنەتىنىن ايتىپ ءوتتى.
"بانك اكتسيونەرلەرىنىڭ كاپيتالعا ايتارلىقتاي اقشا قۇيۋىنا قاتىستى پروبلەما تۋىنداپ تۇر. ۇلتتىق بانك وكىلدەرى قازىرگى ۋاقىتتا اكتسيونەرلەردە ءبىر ۋاقىتتا بىردەن ايتارلىقتاي سومادا قاراجات قۇيۋ مۇمكىندىگى جوق ەكەنىن ءتۇسىنىپ وتىر. سوندىقتاي مىنانداي ۇسىنىس بار - ۇلتتىق بانك قازىرگى ۋاقىتتا بانك سەكتورىن ساۋىقتىرۋعا باعىتتالعان باعدارلامانى اياقتاۋعا جاقىن قالدى.
ونىڭ ايتۋىنشا, ۇلتتىق بانك رەسۋرس جاعىنان قولداۋ كورسەتە الادى, بىراق ول قاراجات بەلگىلەنگەن ۋاقىتتا قايتارىلۋى ءتيىس بولادى. قانشا ۋاقىت بەرىلەتىنى ءازىرشى بەلگىسىز, تالقىلانىپ جاتىر", - دەدى دانيار اقىشەۆ.
ء"بىز وسى باعدارلامانى جىل سوڭىنا دەيىن جۇزەگە اسىرۋدى جوسپارلاپ وتىرمىز. بانكتەر بارلىق حالىقارالىق ولشەمگە سايكەس بولادى. وسىدان كەيىن عانا ءبىز بانك رەيتينگىن كوتەرىپ, قارجى جاعدايىمىزدى جاقسارتامىز. بانك سەكتورى ۇلتتىق بانك پەن ۇكىمەت بەرگەن تاپسىرمالاردى ورىنداي وتىرىپ, ساۋىقتىرىلاتىن بولادى", - دەدى ۇلتتىق بانك توراعاسى.
ەسكە سالا كەتەيىك, 2 ناۋرىزدا قر پرەزيدەنتى نۇرسۇلتان نازارباەۆ بانك سەكتورىن ساۋىقتىرۋ ءۇشىن ۇلتتىق قوردان تريلليون تەڭگە ءبولۋ تۋرالى قاۋلىعا قول قويعان بولاتىن. "
