ول قالاشىقتى كەزىندە قورشاپ تۇرعان قورعانعا ۇقساس ەتىپ سالىنادى.
قورعاندى بويلاي قولونەرشىلەردىڭ تۋىندىلارى مەن شەبەرلىك ورىندارى ورنالاسىپ, ناعىز دەمالىس ورنى پايدا بولادى. ال قورعاننىڭ ىشىندە كونەنىڭ كوزىنە قىزىعاتىن بارشا جاندار ءۇشىن اشىق اسپان استىنداعى ناعىز مۋزەي بولادى. وندا ساۋلەتشىلەر وزدەرىنىڭ قازبا جۇمىستارىن جالعاستىرا بەرمەك.
بۇل تۇستا ايتەكە بي كوشەسى كەڭەيتىلىپ, ال قوناەۆ داڭعىلى ەسكى قالاشىق ارقىلى جالعاسىپ, ايتەكە بي كوشەسىنە بارىپ قوسىلاتىن بولادى. قۇرىلىس جۇمىسى 2018 جىلى باستالادى. نەگىزگى بولىگى 2020 جىلعا قاراي اياقتالماق. وسى جىلى قالاشىق ورنىندا شىمكەنت ءوزىنىڭ 2200 جىلدىعىن اتاپ وتەدى دەپ جوسپارلانۋدا. ايتا كەتەيىك, شىمقالانىڭ بۇل جاسى وسى قالاشىقتا جۇرگىزىلگەن قازبا جۇمىستارىنىڭ ناتيجەسىندە تابىلعان جادىگەرلەرمەن ناقتىلانعان.
