«جىعىلعان كۇرەسكە تويمايدى» دەگەن راس-اۋ. كاسىپورىن وسىدان ەكى اي بۇرىن سۇيىق وتىننىڭ باعاسىن 30 پايىزعا ءوسىرۋ تۋرالى قايرىلىپ, تاۋلارى شاعىلعان بولاتىن. بۇل جولى باسقا جاقتان تاسىمالداناتىن گاز قۇنىنىڭ قىمباتتىعىن, ەڭبەككەرلەر جالاقىسىنىڭ تومەندىگىن, كوپتەن بەرى جوندەۋ جۇمىستارىنىڭ جۇرگىزىلمەگەندىگىن تاعى دا العا تارتىپ وتىر. مونوپوليست كومپانيانىڭ ۇسىنىسى قابىلدانسا,ء بىر تەكشە مەتر كوگىلدىر وتىننىڭ باعاسى 383 تەڭگەدەن 459 تەڭگەگە بىراق شارىقتايدى.
قوعامدىق تىڭداۋعا قاتىسقان تۇرعىندار گاز باعاسىن وسىرۋگە ەش نەگىز جوق دەپ وتىر. ارداگەرلەر كەڭەسى جانىنداعى الەۋمەتتىك-تۇرمىستىق ماسەلەلەر جونىندەگى تۇراقتى كوميسسيانىڭ توراعاسى امانگەلدى كەنجەعوجينوۆتىن ايتۋىنشا, باعانى 19,8 پايىزعا كوتەرۋ ەش اقىلعا سىيمايدى. گازگولدەرلەر الماستىرىلماسا, جاڭا گاز قۇرىلعىلارى ورناتىلماسا, قانداي شىعىن شەگىپ وتىعانى تۇسىنىكسىز دەيدى.
ەستەرىڭىزگە سالا كەتسەك, گاز باعاسى بىلتىر بەس پايىزعا قىمباتتاعان بولاتىن.
ءومىر ەسقالي,
«ەگەمەن قازاقستان».
پەتروپاۆل
