ء«بىز اتالعان كومپانيادان ۇلكەن ءۇمىت كۇتەمىز. وبلىس ەكونوميكاسىنىڭ الەۋەتى زور. بارلىق سالالالاردا جۇمىس ىستەۋگە دايىنبىز. ءوڭىردىڭ ينۆەستيتسيالىق تارتىمدىلىعى جوعارى. اسىرەسە, اۋىل, مال, ەگىن شارۋاشىلىعى, تۋريزم سالالارىندا, جەڭىل ونەركاسىپ, ماشينا جاساۋ سالالارىندا مۇمكىندىكتەرىمىز مول. ءبىز «قازاقينۆەست» اق ۇلتتىق كومپانياسىنىڭ جۇمىسىنا تولىق قولداۋ ءبىلدىرىپ, اشىقتىقپەن جۇمىس ىستەۋگە ءازىرمىز», - دەدى جانسەيىت قانسەيىت ۇلى.
ءوز كەزەگىندە ب.قانەشوۆ ينۆەستورلارعا كورسەتىلەتىن مەملەكەتتىك قىزمەتتى ەلەكتروندى جۇيەگە كوشىرۋ, كەدەندىك, وزگە دە بيۋروكراتيالىق كەدەرگىلەردى جويۋ ماسەلەلەرى توڭىرەگىندە كومپانيا تاراپىنان اتقارىلىپ وتىرعان جۇمىستارعام توقتالدى.
«قازاقينۆەست» كومپانياسى ەلباسىمىزدىڭ تاپسىرماسىنا ساي «KazNextInvest»-ءتىڭ بازاسىندا قۇرىلدى. ەكى ايدان بەرى جۇمىس جاساپ كەلەمىز. ءبىزدىڭ كومپانيا قازاقستاندىق ەكونوميكانىڭ باسىم باعىتتارىنا تىكەلەي ينۆەستيتسيالار تارتۋمەن اينالىساتىن بولادى. وسى باعىتتا ءبىز وڭتۇستىك قازاقستان وبلىسى اكىمدىگى مەن جانە جەرگىلىكتى كومپانيالارمەن جۇمىستاردى جۇيەلى تۇردە ۇيىمداستىرۋدى كوزدەپ وتىرمىز. اتالمىش كومپانيا شەتەلدىك وكىلدىكتەر مەن فيليالداردىڭ اۋقىمدى جەلىسىن قامتىپ, ۇكىمەت اتىنان ءىرى ينۆەستورلارمەن جانە «بىرىڭعاي كەلىسسوز جۇرگىزۋشى» رەتىندە ءىس-قيمىل جاسايتىن بولادى», - دەدى ب.قانەشوۆ.
ايتا كەتەيىك, كومپانيا فۋنكتسيالارىنا ينۆەستيتسيالىق جوبالاردى ازىرلەۋدى قامتاماسىز ەتۋ, ينۆەستيتسيانى قاجەت ەتەتىن جوبالاردىڭ ءتىزىمىن ازىرلەۋ, ماقساتتى جانە دايىندىعى بار ينۆەستورلاردى تارتۋ جاتادى. سونداي-اق رەسمي تۇلعالارمەن قول جەتكىزىلگەن بارلىق كەلىسسوزدەرگە مونيتورينگ جاساپ, ء«بىر تەرەزە» قاعيداتى بويىنشا ينۆەستيتسيالىق جوبالاردىڭ جۇزەگە اسۋىنا قولداۋ كورسەتەدى.
بۇگىندە كومپانيا ينۆەستورلاردى قولداۋ ءۇشىن ء«بىر تەرەزە» قاعيداتى بويىنشا بىرىڭعاي اقپاراتتىق جۇيە ەنگىزۋ بويىنشا جۇمىس جاساپ جاتىر. بىرىڭعاي اقپاراتتىق جۇيەنى ەنگىزۋ ارقىلى جوبالاردى جۇزەگە اسىرۋدا ۆيزا الۋ, كەلىسسوزدەر جۇرگىزۋ سياقتى جۇمىستار بىرىڭعاي اقپاراتتىق جۇيەدە كورسەتىلەتىن بولادى. ءاربىر جوباعا «Kazakhinvest» ۇلتتىق كومپانياسى» اق-نىڭ ءبىر-ءبىر قىزمەتكەرى جاۋاپتى بولادى.
