امەريكانىڭ لاس-ۆەگاس قالاسىندا جارتىلاي ورتا سالماقتا WBA, IBF جانە WBO نۇسقالارى بويىنشا الەم چەمپيونى اندرە ۋورد (اقش) پەن رەسەيلىك بۇرىنعى چەمپيون سەرگەي كوۆالەۆ اراسىندا قارىمتا جەكپە جەك ءوتتى.
جەكپە-جەك باستالىسىمەن امەريكالىق بوكسشى قورعانىس مانەرىندە ونەر كورسەتىپ, قارىمتا شابۋىل جاساۋمەن بولدى. سەرگەيگە قاراعاندا جىلدامىراق سوققى جاساي بىلەتىنىن كورسەتىپ, كەي تۇستاردا قارسىلاسىن قاپى قالدىرىپ جاتتى. بۇل ءتاسىل ءوز ناتيجەسىن بەرىپ, 8-ءشى راۋندتا كوۆالەۆتى نوكاۋتقا ءتۇسىردى.
ەسكە سالا كەتەيىك, قوس بوكسشى 2015 جىلى قاراشا ايىندا كەزدەسىپ, رەسەيلىك بوكسشى ءبىر عانا ۇپايمەن (113-114) جەڭىلىس تاپقان ەدى جانە ءۇش بىردەي بەلدىگىنەن ايىرىلعان. بىراق كوۆالەۆ كەزدەسۋ اياقتالىسىمەن بۇل ناتيجەگە كەلىسپەيتىنىن ايتىپ, بىردەن اندرە ۋوردتى قارىمتا كەزدەسۋگە شاقىردى.
ولاردىڭ ءبىرىنشى كەزدەسۋىندەگى كەلىسىمشارتتىڭ ءبىر تارماعىندا قارىمتا كەزدەسۋگە شاقىرا الاتىنى تۋرالى جازىلعان. ال بۇل جولى ونداي كەلىسىم جوق.
