سوعان وراي قالادا دوستىق شەرۋى ءوتتى, سونىمەن قاتار حالىقتار بىرلىگىنىڭ بەلگىسى رەتىندە گلينكا اتىنداعى وپەرا جانە بالەت تەاترىنىڭ الدىنداعى الاڭعا اعاش وتىرعىزىلدى.
دوستىق شەرۋىنەن كەيىن وبلىس گۋتەرناتورى بوريس دۋبروۆسكي قالا مەن قالا قوناقتارىنا ارناۋ ءسوزىن ايتتى. «چەليابى وبلىسىن كوپتەگەن ەتنوستار قۇتتى مەكەن ەتەدى. بۇل ءبىزدىڭ ەرەكشەلىگىمىز, ارتىقشىلىعىمىز. دوستىق ارقاسىندا ورتاق وتانىمىزدى دامىتۋدامىز» دەدى گۋبەرناتور بوريس دۋبروۆسكي.
رەسەي كۇنى گلينكا اتىنداعى وپەرا جانە بالەت تەاترى الدىنداعى الاڭدا بولاشاق «ساد شوس – بريكس» سايا باعىنىڭ نەگىزى سالىنىپ, بەلگى قويىلدى. وندا ون ءتۇپ ەسمەرالدا ۇيەڭكىسىن رەسەي, وزبەكستان, تاجىكستان, قىتاي حالىق رەسپۋبليكاسى, برازيليا, قىرعىزستان, قازاقستان, پاكىستان, ءۇندىستان, وڭتۇستىك افريكا رەسپۋبليكاسى ەلدەرىنىڭ رەسەيدەگى ديپلوماتيالىق وكىلدەرى وتىرعىزدى. ولار اعاش وتىرعىزىپ جاتقاندا سول مەملەكەتتىڭ تۋى جەلبىرەپ تۇردى. ولاردىڭ قاتارىندا ۇيەڭكىنى قازاقستان رەسپۋبليكاسى اتىنان كونسۋلدىڭ تاپسىرماسى بويىنشا چەليابى وبلىسى قازاقتارىنىڭ «ازامات» ەتنو مادەني قوعامدىق بىرلەستىگىنىڭ توراعاسى قانات سەيتىكوۆ وتىرعىزدى.
« وڭتۇستىك ۋرالدى جايلاعان قانداستارىمىز ءۇشىن بۇل ۇلكەن دارەجە بولدى. اتا مەكەنىمىز قازاقستاننىڭ كوك تۋى الەمدەگى وزگە ەلدەرمەن قاتار جەلبىرەپ تۇرۋى ءبىزدىڭ رۋحىمىزدى كوتەردى. ال مىنا جەردە ورنايتىن بولاشاق ساياباقتا, ءبىز وتىرعىزعان ۇيەڭكى جانىنا تالاي وتانداستارىمىز, وسىنداعى قانداستارىمىز كەلىپ وتىراتىن, دەمالاتىن جانە كورشى ەلمەن دوستىعىمىزدى پاش ەتەتىن بولادى» دەدى قانات سەيتىكوۆ.
ەسكە سالا كەتسەك, رەسەيدىڭ چەليابى وبلىسىندا 36 مىڭ قانداستارىمىز تۇرادى. «ازامات» ەتنو مادەني قوعامدىق بىرلەستىگى ولاردىڭ سالت-ءداستۇرىن, ءتىلىن ۇمىتپاۋى ءۇشىن كوپتەگەن شارالار اتقارىپ كەلەدى.
ءنازيرا جارىمبەتوۆا
«ەگەمەن قازاقستان»
چەليابى, رف
