استانا اۋەجايىنا كەلىپ قونعان رەسەي پرەزيدەنتىن ۇشاقتان قر پرەمەر-ءمينيسترىنىڭ ورىنباسارى - اۋىل شارۋاشىلىعى ءمينيسترى اسقار مىرزاحمەتوۆ, استانا قالاسى اكىمىنىڭ ورىنباسارى ماليكا بەكتۇروۆا, رەسەيدىڭ قازاقستانداعى توتەنشە جانە وكىلەتتى ەلشىسى ميحايل بوچارنيكوۆ جانە ۆلاديمير ءپۋتيننىڭ ءباسپاسوز حاتشىسى دميتري پەسكوۆ قارسى الدى.
ايتا كەتەرلىگى, شىۇ ءسامميتى بارىسىندا پاكىستان مەن ءۇندىستان اتالعان ۇيىمعا مۇشەلىككە قابىلدانادى دەپ كۇتىلۋدە. وسىلايشا, شىۇ جەر تۇرعىندارىنىڭ 40 پايىزىن, الەم ەكونوميكاسىنىڭ شامامەن ۇشتەن ءبىرىن قامتيتىن بولادى. بۇگىندە ۇيىمعا رەسەي, قىتاي, قازاقستان, قىرعىزستان, تاجىكستان جانە وزبەكستان ەلدەرى مۇشە. قازىرگى ۋاقىتتا شىۇ توراعاسى - قازاقستان. ەرتەڭگى سامميت بارىسىندا توراعالىق قىتاي تاراپىنا وتەدى.
بۇعان دەيىن اتالعان حالىقارالىق جيىنعا قاتىسۋ ءۇشىن استاناعا اۋعانستان پرەزيدەنتى اشراف گاني احمادزاي, موڭعوليا پرەزيدەنتى تساحياگين ەلبەگدورج جانە قحر توراعاسى سي تسزينپين, وزبەكستان پرەزيدەنتى شاۆكات ميرزيەەۆ پەن پاكىستان پرەزيدەنتى مامنۋن حۋسەيننىڭ كەلگەنىن حابارلاعان بولاتىنبىز.
