قۇنى 651,5 ملن تەڭگە بولاتىن جوبا اياسىندا بوران اۋىلىنىڭ 2 مىڭنان استام تۇرعىنى اۋىز سۋمەن قامتاماسىز ەتىلمەك. جوبا ىسكە اسقاننان كەيىن وڭىردە اۋىز سۋمەن قامتاماسىز ەتۋ كورسەتكىشى 63%-عا دەيىن وسەدى دەپ بولجانىپ وتىر.
– بوران اۋىلىن تازا سۋمەن قامتاماسىز ەتۋ وزەكتى ماسەلەلەردىڭ ءبىرى بولعان. ەندى سۋ قۇبىرلارى جىل سوڭىنا دەيىن تارتىلىپ, اۋىز سۋ تاپشىلىعى ماسەلەسى تۇبەگەيلى شەشىلمەك. سول سياقتى قالجىر اۋىلىندا سۋمەن قامتاماسىز ەتۋ جوباسى كەلەر جىلدىڭ جۇمىس جوسپارىنا كىرىپ, 2018 جىلى سۋ قۇبىرى تارتىلادى, – دەدى سەيسەنعازى چۋكاەۆ.
اۋداندا وتكەن جىلى «اۋماقتاردى دامىتۋ» باعدارلاماسى بويىنشا بۋراباي, اقبۇلاق, امانات, جاڭااۋىل, قازاقستان, مارالدى, سارىولەڭ اۋىلدارىندا 1200 مەتر سۋ قۇبىرى جەلىلەرى تارتىلىپ, بۇدان بولەك بىرقاتار اۋىلدارعا 14 قۇدىق ورناتىلعان.
