جيىندا ءسوز العان گۇلقاسيما سۇيىنتاەۆا جاڭا كونستيتۋتسيا جوباسىندا ەڭبەك قۇقىعى, ازاماتتاردىڭ قاۋىپسىز ەڭبەك جاعدايى, ۋاقتىلى جالاقى تولەۋ سەكىلدى ماڭىزدى مىندەتتەمەلەر ناقتى ايقىندالعانىن ايتتى. ونىڭ ايتۋىنشا, قۇجاتتىڭ كىرىسپەسىندە ەلىمىزدىڭ باستى ۇلتتىق قۇندىلىقتارى كورىنىس تاپقان. «ادىلەتتى قازاقستان» يدەياسى مەن «زاڭ مەن ءتارتىپ» قاعيداتى ايقىن بەلگىلەنىپ, ادام قۇقىقتارى مەن بوستاندىقتارى مەملەكەتتىڭ باستى باسىمدىعى رەتىندە جاريالانىپ وتىر. ەڭبەك قۇقىعىنىڭ كونستيتۋتسيالىق دەڭگەيدە نىعايۋى ءاربىر جۇمىسشىنىڭ قۇقىعىن قورعاۋعا جانە قاۋىپسىز ەڭبەك جاعدايىن قامتاماسىز ەتۋگە قۇقىقتىق نەگىز قالىپتاستىرادى.
سونداي-اق 15 ناۋرىزدا وتەتىن جالپىۇلتتىق رەفەرەندۋمنىڭ ماڭىزىنا توقتالىپ, ەل بولاشاعىن ايقىندايتىن قۇجاتتى حالىق اراسىندا كەڭىنەن ءتۇسىندىرۋ جۇمىستارى جالعاساتىنى ايتىلدى.
كەزدەسۋ بارىسىندا وبلىستىق ءماسليحات دەپۋتاتى ەستاي سيسەنباەۆ مەملەكەت باسشىسى قاسىم-جومارت توقاەۆ باستاماسىمەن جۇزەگە اسىپ جاتقان كونستيتۋتسيالىق رەفورمانىڭ ەلدىڭ ساياسي جاڭعىرۋىنداعى شەشۋشى قادام ەكەنىن اتاپ ءوتتى. ونىڭ ايتۋىنشا, جاڭا كونستيتۋتسيا جوباسى قوعام سۇرانىسى مەن زامان تالابىنا ساي ازىرلەنگەن. الداعى رەفەرەندۋم ءار ازاماتقا ەل تاعدىرىنا قاتىستى ماڭىزدى شەشىم قابىلداۋعا مۇمكىندىك بەرەدى. جوبا ماتىنىندە ادىلەتتىلىك, «زاڭ مەن ءتارتىپ» قاعيداتى جانە تابيعاتقا جاۋاپكەرشىلىكپەن قاراۋ ماسەلەلەرى قامتىلعان.
جيىندا قورشاعان ورتانى قورعاۋ, تابيعاتتى ايالاۋ ءار ازاماتتىڭ پارىزى ەكەنى دە ايتىلدى. سوڭعى وتكەن بىرلەسكەن وتىرىستاردا ساراپشىلار مەملەكەت دامۋىنىڭ ستراتەگيالىق باعىتتارى رەتىندە عىلىم مەن يننوۆاتسيانىڭ ماڭىزىن ەرەكشە اتاپ وتكەن.
كەزدەسۋ سوڭىندا ەڭبەك ۇجىمى وكىلدەرى ءوز پىكىرلەرىن ءبىلدىرىپ, ۇسىنىستارىن ورتاعا سالدى. جيىن جاڭا كونستيتۋتسيا جوباسىن ءوندىرىس ورىندارى دەڭگەيىندە تالقىلاۋدىڭ ماڭىزىن ايقىنداپ, قوعامدىق قولداۋدىڭ ارتىپ كەلە جاتقانىن كورسەتتى.
