بۇل اۋىلداعى جەرگىلىكتى تۇرعىنداردىڭ بارلىعى دا ەڭبەكقور, شارۋاشىلىقتارى, جىلىجايلارى بار, ءبارى دە كوكونىس وسىرۋمەن اينالىسادى, 600-گە تارتا جىلىجاي بار بولسا, تۇرعىندار قياردىڭ 15 تۇرىنەن 278 توننا ءونىم الۋدا. اۋىل ۇلكەن جولدىڭ بويىندا, قالاعا ءتيىپ تۇر. بۇكىل اۋىل قييار وسىرەدى دەگەن ءسوز. قازىر ەگىپ قويعان كوشەتتەرى جاز بويى قىزارىپ, ءوسىپ, كۇز بويى جەمىسىن بەرەدى. قازىر باۋ-باقشا, جىلىجايلاردا قىزۋ جۇمىس.
– اۋىلدىقتار وزدەرى وسى اتاۋدى قۋانا قابىلداپ, بازاردى سولاي اتادىق. الەمگە ايگىلى ەكسپو كورمەسىنىڭ استانادا ءوتۋىن ماقتانىش كورگەننەن عوي. بۇل ءبىزدىڭ اۋىلداعى كىشكەنتاي كورمەمىز, – دەيدى اۋىل اكىمى اجدار ءجۇسىپوۆ.
ال, «ەكسپو» دەپ اتالاتىن بازاردىڭ اشىلۋى كوكونىس ءوسىرۋشى تۇرعىندار ءۇشىن ءتىپتى, ءتيىمدى بولدى. ءساۋىر ايىندا وتىرعىزىلعان قيارلار قازىر ءوسىپ-ءوندى. تۇرعىندار جاپپاي ساتىپ الۋدا. ءبىر كەلىسى 230 تەڭگە. قياردى ارزان باعامەن ساتىپ العىسى كەلسە, «ەكسپو» بازارىنا كەلۋگە بولادى. بازاردىڭ اشىلۋ ماقساتى دا سول: جەرگىلىكتى كوكونىس وسىرۋشىلەردىڭ وندىرىلگەن ونىمدەرىن وتكىزۋگە جاعداي جاساۋ. بۇرىنعىداي وبلىس ورتالىعىنداعى بازارلارعا وتكىزىپ اۋرەلەنبەيدى. مىسالى, ءبىر ماۋسىمدا 278 تونناعا جۋىق, ال, اۋا-رايى جاقسى جاعدايدا ءبىر كۇندە 315 كەلى قيار جينايدى. قالالىقتار ەندى قيار وسىرۋشىلەرگە كەلىپ, تىكەلەي ونىمدەردى ساتىپ الا الادى. ەندى بازارشىلار «ەكسپو»-عا بارامىز دەپ اۋىلعا كەلەتىن بولدى.
– ءبىز وسىرەتىن قيار ءبىزدىڭ اۋىلدىڭ برەندى دەيدى, – اۋىلدىقتار.
ويتكەنى, وڭىردەگى لەبياجى اۋدانىندا قاربىز وسسە, باياناۋىل ءتورت تۇلىگىمەن, ەرتىس اۋدانى استىعىمەن, قاشىر, جەلەزينكا كارتوپقا باي.
فاريدا بىقاي,
«ەگەمەن قازاقستان»
پاۆلودار
