كورمەدە 3 مىڭ ادام ەرىكتى بولۋعا نيەت بىلدىرگەن, ءبىر ورىنعا 6 ادام ۇمىتكەر بولعان, دەپ جاريالادى قالالىق جاستار ساياساتى جونىندەگى باسقارما بىسشىسى اسحات ورالوۆ.
ونىڭ سوزىنشە, ىرىكتەۋدىڭ باستى تالابى – ءتىل مەڭگەرۋىنە ەرەكشە دەن قويىلعان.
- ءبىز ءۇش ءتىلدى ەرىكىن مەڭگەرگەن ەڭ ۇزدىك ادامداردى تاڭداپ الدىق. ءبىزدىڭ بازادا تۇرىك, قىتاي, يتاليان, جانە وزگە دە تىلدەر بار. «بولاشاق» بويىنشا الىس شەتەلدەردە وقىپ جاتقان ستۋدەنتتەر دە قاتىسۋعا ءوتىنىش ءبىلدىردى, - دەيدى ا.ورالوۆ.
ورالوۆتىڭ ايتۋىنشا, ۇمىتكەرلەردى ىرىكتەۋدە جاس ەرەكشەلىگىنە ءمان بەرىلمەگەن. ەڭ جاس ەرىكتى 15-تە. ول نازارباەۆ ينتەللەكتۋالدىق مەكتەبىنىڭ وقۋشىسى, بىرنەشە تىلدەردى بىلەدى. ال, ەڭ ۇلكەن كومەكشى - 70 جاستا.
- بۇگىن بىزدە 50-دەن استام زەينەتكەر وقىتىلدى. بۇل زەينەتكەرلەرىمىز بەن جاستارعا وتە پايدالى. جاسى ۇلكەن ازاماتتاردىڭ كوبى نەمىس ءتىلىن مەڭگەرگەن, ال جاستار سايكەسىنشە, اعىلشىن ءتىلىن بىلەدى, - دەيدى ا.ورالوۆ.
ۇيىمداستىرۋشىلار اسىرەسە شەتەلدىكتەردىڭ شارا بارىسىندا كومەكتەسۋگە نيەت تانىتقانى تاڭعالدىرعانىن ايتادى. مىسالى, استاناعا يتاليادان 12 ەرىكتى كەلە جاتىر. ولار ميلاندا وتكەن ەكسپو-2015 كورمەسىندە دە ءوز ەرىكتەرىمەن كومەكتەسكەن. ەندى مىنە, قازاقستان استاناسىنا كەلىپ, ءوز تاجىريبەلەرىمەن ءبولىسىپ, كورمەنىڭ وتۋىنە اتسالىسپاق.
حالىقارالىق مامانداندىرىلعان ەكسپو-2017 كورمەسى ءوز جۇمىسىن 10 ماۋسىم كۇنى باستايدى.
