دالەنوۆتىڭ ايتۋىنشا, ەڭ كوپ جالاقى الاتىن وڭىرلەر اتىراۋ مەن ماڭعىستاۋ وبلىستارى (250 تەڭگەدەن استام). ال ەڭ تومەنگى جالاقى الاتىن وڭىرلەر سقو مەن جامبىل وبلىستارى (100 مىڭ تەڭگەدەن از).
كاسىپ ءتۇرى بويىنشا, ەڭ كوپ جالاقى ۇشقىشتاردا, مۇنايشىلار مەن شاحتەر جانە قۇرىلىسشىلاردا. ەڭ از جالاقى مۇعالىم, مەدبيكە, زووتەحنيك پەن بالاباقشا تاربيەشىلەرىندە.
"جالپى جالدامالى جۇمىسكەرلەردىڭ 1/3-ءى ايىنا 100 مىڭ تەڭگەدەن كوپ الادى. ال 100 ادامعا دەيىن جۇمىس ىستەيتىن شاعىن مەكەلەردەگى قىزمەتكەرلەر ورتاشا ەسەپپەن ايىنا 134 مىڭ تەڭگە الادى", - دەيدى مينيستر ورىنباسارى.
ونىڭ ايتۋىنشا, قازاقستاندا قازىر 13 ملن ەرەسەك ادامنىڭ 9 ملن-ى ەڭبەككە قابىلەتتى جاندار. سونىڭ ىشىندە 70,5%-ى جالدامالى جۇمىسكەرلەر بولسا, 24,5%-ى ءوزىن ءوزى جۇمىسپەن قامتۋشىلار, قالعان 5%-ى جۇمىسسىز.
مينيستر ورىنباسارىنىڭ مالىمەتىنشە, رەسپۋبليكاداعى جۇمىسكەرلەردىڭ 63,2%-ى قىزمەت كورسەتۋ سالاسىندا, 20,6%-ى ونەركاسىپ پەن قۇرىلىستا, 16,2%-ى اۋىل شارۋاشىلىعىندا.
