مۋزەي قىزمەتكەرلەرىمەن بولعان كەزدەسۋدە اكىم جاپپاي ساياسي قۋعىن-سۇرگىن قۇرباندارىنا ارنالىپ اشىلعان مۋزەي وتكەن عاسىردىڭ ساياسي قۋعىن-سۇرگىن قۇرباندارىن ماڭگى ەستە قالدىرۋداعى قامقورىنىڭ ايقىن دالەلى ەكەنىن ايتتى.
«قازاقستان رەسپۋبليكاسىنىڭ پرەزيدەنتى نۇرسۇلتان ءابىش ۇلى نازارباەۆ «بولاشاققا باعدار: رۋحاني جاڭعىرۋ» ماقالاسىندا قازاقستاننىڭ رەۆوليۋتسيالىق ەمەس, ەۆوليۋتسيالىق دامۋى ۇلتتى وركەندەتەتىندىگىن ايتىپ ءوتتى.
كۇللى حح عاسىر رەۆوليۋتسيالىق سىلكىنىستەرگە تولى بولدى. بۇل, وسى اۋماقتاعى بارشا ۇلتتارعا مەيلىنشە اسەر ەتىپ, بۇكىل بولمىسىن وزگەرتتى, حالقىمىز ءۇشىن دە قاسىرەتكە تولى, زوبالاڭ دا زۇلمات جىلدار بولدى. ءبىز, تاريحتىڭ اششى ساباعىنان بولاشاققا وڭتايلى وي ءتۇيىپ, وزىمىزدەن باستاپ, رۋحاني بايلىعىمىز بەن الەۋمەتتىك-ەكونوميكالىق ءۇردىسىمىزدى زامان تالابىنا ساي جاڭعىرتىپ, دامىتۋ ىسىنە ات سالىسىپ, كەلەشەك ۇرپاعىمىزدىڭ جارقىن بولاشاعى ءۇشىن ايانباي ەڭبەك ەتەيىك!»,-دەدى اكىم.
مۇنىمەن قوسا, ايماق باسشىسى كەنەسارى حاننىڭ نەمەرەسى, الاشوردا ۇكىمەتىنىڭ مۇشەسى, ساياسي قۋعىن-سۇرگىن قۇربانى ءازىمحان كەنەساريننىڭ ۇرپاعى اسىلحان اشىمحانوۆپەن, قازاقتاننان شىققان تۇڭعىش رەجيسسەر, قوعام جانە ونەر قايراتكەرى, ساياسي قۋعىن-سۇرگىن قۇربانى جۇمات ءشانيننىڭ نەمەرەسى رايحان مىرزاعاليەۆامەن كەزدەسىپ, يىقتارىنا شاپان جاپتى.
بۇگىنگى تاڭدا مۋزەي قورىندا 16 مىڭنان اسا جادىگەرلەر, قۇجاتتار مەن فوتوقۇجاتتار ساقتاۋلى. جىل سايىن مۋزەيگە 15 مىڭعا جۋىق ادام كەلىپ, 300-دەن استام جاڭا ەكسپوناتتارمەن تولىقتىرىلادى. مۇنان بولەك, مۇندا 20-عا جۋىق مادەني كوپشىلىك ءىس-شارالار وتكىزىلىپ تۇرادى.
ايتا كەتەيىك, بيىل الاش پارتياسىنىڭ قۇرىلعانىنا – 100 جىل, جازىقسىز جاپا شەككەن قازاقتان شىققان تۇڭعىش ديپلومات, مەملەكەت جانە قوعام قايراتكەرى ن.تورەقۇلوۆ پەن ەلىمىزدىڭ تۇڭعىش كاسىبي رەجيسسەرى, دراماتۋرگ, قۋعىن-سۇرگىن قۇربانى ج.ءشانيننىڭ تۋىلعانىنا – 125 جىل.
