«بارىس» حوككەي كلۋبىنىڭ باسشىلىعى مەن باپكەرلەر قۇرامى بوچەنسكيگە كارەراسىن ارى قاراي جالعاستىرۋعا, كلۋب ساپىندا تاعى ءبىراز جىل ويناۋعا شاقىرعان. بىراق, ول بۇدان بىلاي وتباسىنا كوڭىل ءبولۋدى ءجون ساناعان. حوككەيشى كلۋب ۇجىمىنا جانە جانكۇيەرلەرگە العىسىن ءبىلدىرىپ, استانانى ساعىناتىنىن ايتتى.
«بارىس» ساپىندا وتكىزگەن جەتى جىلىمدى جانە استانانى ساعىناتىن بولامىن. قازاقستاندا وتكىزگەن كارەرام مەن ءومىرىمنىڭ ەڭ قىزىقتى ساتتەرىن ەشقاشان ۇمىتپايمىن» دەيدى برەندون بوچەنسكي.
ايتا كەتەيىك, برەندون بوچەنسكي «بارىس» ساپىنا 2010 جىلى اقش-تىڭ «تامپا بەي لايتنينگ» كلۋبىنان كەلىپ قوسىلعان بولاتىن. جەتى جىل ىشىندە ول قۇرلىقتىق حوككەي ليگاسىندا (قحل) 399 ماتچ وتكىزىپ, 397 (160+237) ۇپاي جيناعان. بۇل ناتيجە وعان قحل تاريحىنداعى شەتەلدىك ەڭ ۇزدىك شابۋىلشى اتانعان.
قازاقستان جانە اقش ازاماتتىعى بار برەندون بوچەنسكي 1982 جىلى اقش-تىڭ ميننەسوتا شتاتىنىڭ بلەين قالاسىندا تۋعان. سپورتتىق كارەراسىن تۋعان قالاسىندا (بلەين) باستاعان. 2014 جىلى قازاقستان ازاماتتىعىن العان بوچەنسكي 2016 جىلى رەسەيدە وتكەن حوككەيدەن الەم چەمپيوناتىنا قازاقستان ۇلتتىق قۇراماسى ساپىندا قاتىسقان.
برەندون 2014 جىلدان بەرى قازاقستان ۇلتتىق قۇراماسى ساپىندا 15 ماتچ وتكىزىپ, 12 (5+7) ۇپاي جيناعان.
