وزبەكستان بيلىگىنىڭ ايتۋىنشا, بۇل ويىندار قاتىگەزدىكتى, پورنوگرافيانى ناسيحاتتاپ, قاۋىپسىزدىككە, الەۋمەتتىك جانە ساياسي تۇراقتىلىققا قاۋىپ ءتوندىرىپ, ازاماتتىق بەيبىتشىلىك پەن دىنارالىق بايلانىستى بۇزۋى مۇمكىن. ۇكىمەت مۇشەلەرىنىڭ ايتۋىنشا, بۇل ويىندار وزبەكستان تۋرالى جالعان اقپارات تاراتىپ, ونىڭ تاريحي, مادەني, رۋحاني قۇندىلىقتارىن بۇرمالاپ كورسەتەدى.
وزبەكستاننىڭ الەۋمەتتىك جەلىلەرىندە بۇل شەشىمگە قاتىستى ءارتۇرلى پىكىر جازىلدى. كوپشىلىگى مەملەكەتتە ودان دا ماڭىزدى ەكونوميكالىق, الەۋمەتتىك پروبلەمالار كوپ ەكەنىن ايتىپ, بار كۇشتى سولاردى شەشۋگە جۇمساۋ كەرەكتىگىن ايتۋدا. سونىمەن قاتار ويىندار جاستارعا كەرى اسەرىن تيگىزەدى دەگەن ويمەن كەلىسەتىندەر دە تابىلدى.
ءبىر ايتا كەتەرلىگى, تىيىم سالىنعان ويىنداردىڭ كوپشىلىگى ينتەرنەت-كافەلەردە ونلاين تۇردە قولجەتىمدى. سونداي-اق نارىقتا ولاردىڭ پيراتتى كوشىرمەلەرى دە كەڭ تاراپ كەتكەن.
