«ەلىمىز شەتەلدىك سەرىكتەستەرمەن ساۋدا-ەكونوميكالىق, ينۆەستيتسيالىق ىنتىماقتاستىققا باسا نازار اۋدارۋدا. قازاقستاندا بيزنەسكە قولايلى جاعداي جاساۋ ءۇشىن جۇيەلى ءىس-شارالار اتقارىلىپ كەلەدى. ينۆەستورلارعا تۇرلى جەڭىلدىكتەر قاراستىرىلعان. سوندىقتان, ءوز ەلدەرىڭىزدەگى بيزنەسمەندەرگە قازاقستانعا كەلىپ, جۇمىس ىستەۋ قولايلى ءارى پايدالى ەكەنىن تۇسىندىرەرسىزدەر دەپ ويلايمىن. ولار ءۇشىن ء«بىر تەرەزە» قاعيداتى بويىنشا قىزمەت كورسەتىلەدى.
بۇعان قوسا, ينۆەستورلارمەن جۇمىس ىستەيتىن «قازاقينۆەست» دەگەن ۇلتتىق كومپانيا قۇرىلدى. سونىمەن قاتار, «قازاقەكسپورت» اتتى ۇلتتىق كومپانيا ەكسپورتقا شىعاتىن ۇلتتىق تاۋارلاردى قولدايتىن بولادى. ءبىزدىڭ ەلىمىز ارقىلى ازيا مەن ەۋروپانى جالعايتىن توتە جولدار, اۆتوكولىك, تەمىر جولدارى وتەدى. بۇل ورايدا, قازاقستان ۇلكەن ترانزيتتىك مەملەكەت بولعالى تۇر. «نۇرلى جول» باعدارلاماسى, ينفراقۇرىلىم مىنە, وسىعان باعىتتالعان. ءبىزدىڭ وسى باستامامىز ەۋرازيا كەڭىستىگىندەگى باسقا ينفراقۇرىلىمدىق ۇشتاسىپ جاتىر. ول ورتاق كونتينەنتىمىزدەگى ءوزارا ىقپالداستىقتى ودان ءارى دامىتۋعا باعىتتالعان. قازىر قازاقستاندا يندۋستريالىق-يننوۆاتسيالىق دامۋ باعدارلاماسى الىنىپ, اۋقىمدى جەكەشەلەندىرۋ ناۋقانى ءجۇرىپ جاتىر. سىزدەردىڭ ەلدەرىڭىزدىڭ كاسىپكەرلەرى وسىنداي ماڭىزدى جوبالارىمىزعا اتسالىسادى دەپ ويلايمىز. مىسالى, تىنىق مۇحيتتىڭ جاعاسىنداعى ليانيۋنگان پورتىنان شىعاتىن كونتەينەرلەر قىتاي-قازاقستان- رەسەي ارقىلى ەۋروپاعا 15 تاۋلىكتە جەتەدى. ول بويىنشا قازىردىڭ وزىندە 1200 كونتەينەر ءجۇرىپ جاتىر. 2020 جىلعا دەيىن بۇدان 2 جارىم ەسە وسەدى دەپ ءبىز جوسپارلاپ وتىرمىز», – دەدى نۇرسۇلتان ءابىش ۇلى.
ءلايلا ەدىلقىزى,
«ەگەمەن قازاقستان»
