قۇمار ىرگەباي ۇلى مەكتەپ وقۋشىلارى دايىنداعان قولدانبالى قولونەر بۇيىمدارى كورمەسىن, روبوتوتەحنيكا ۇيىرمەسىنە قاتىسۋشىلاردىڭ تابىستارىن تاماشالادى. ۇلتتىق كيىمدەر تىگۋمەن اينالىسىپ جۇرگەن جۇلدىزاي نۇرىشەۆانىڭ كيىم ۇلگىلەرىمەن تانىستى.
«ەلباسى نۇرسۇلتان نازارباەۆ “قازاقستان–2050” ستراتەگياسى – قالىپتاسقان مەملەكەتتىڭ جاڭا ساياسي باعىتى” اتتى جولداۋىندا جاڭا فورماتتاعى ادامداردى قالىپتاستىرۋدى العى مىندەت ەتىپ قويدى. وبلىستا ەڭبەگىمەن تانىلىپ جۇرگەن جاستاردى قوعامدىق, ساياسي مىرگە بەلسەنە ارالسۋدى شاقىرامىن ”, دەدى ايماق باسشىسى.
«ەكسپو-2017» حالىقارالىق كورمەسىنىڭ جاستار ءۇشىن ماڭىزدىلىعىن, وبلىستان جۇزگە جۋىق ەرىكتىلەردىڭ قاتىاستىنىن اتاپ ءوتتى. وبلىس ورتالىعىندا بارلىق تالاپتارعا ساي كەلەتىن وقۋشىلار سارايى سالىناتىنىن جەتكىزدى.
كاسىپقوي بوكستان الەم چەمپيونى جانات جاقيانوۆ پرەزيدەنت ساياساتىنا قولداۋ بىلدىرسە,قىتايدان كەلىپ م.قوزىباەۆ اتىنداعى سقمۋ-ءدىڭ “Foundation” فاكۋلتەتىندە ءبىلىم الىپ جۇرگەن قازاق جىگىتى جاسار نۇردانبەك ۇلى ءوزىنىڭ اتاجۇرتىنىڭ توپىراعىنا تابانى تيگەنىن ماقتانىشپەن ايتتى. ونىڭ ءار سوزىنەن تۋعان ەلگە, جەرگە, وتانعا دەگەن سۇيىسپەنشىلىك سەزىمى سەزىلىپ, جاستارعا ەرەكشە اسەر بەردى. ماعجان جۇماباەۆ اۋدانىنداعى وكتيابر ورتا مەكتەبى اعىلشىن ءتىلى ءپانىنىڭ مۇعالىمى اسەمگۇل جۇماباەۆا بىرنەشە ءتىلدى ەركىن مەڭگەرگەنىن جانە وسكەلەڭ ۇرپاقتى وسى رۋحتا تاربيەلەپ جۇرگەنىن جەتكىزدى.
“گيد ەكسپو – 2017” تاقىرىبىنا جەدەل قوسىمشا دايىنداپ شىعارعان ستۋدەنت نۇرجان تولەگەننىڭ جوباسى زور قىزىعۋشىلىق تۋدىردى.
ءومىر ەسقالي.
«ەگەمەن قازاقستان».
