اۋدان اكتيۆىنە اۋداننىڭ جاڭا باسشىسىن وبلىس اكىمىنىڭ ءبىرىنشى ورىنباسارى دارحان ساتىبالدى تانىستىردى, دەپ حابارلايدى وبلىس اكىمدىگىنىڭ ءباسپاسوز قىزمەتى.
س.پولاتوۆ 1959 جىلى تۋىلعان, ءبىلىمى جوعارى, ماماندىعى بويىنشا بىلىكتىلىگى – ينجەنەر-مەتاللۋرگ, ەكونوميست.
ەڭبەك جولىن 1982 جىلى مانكەنتجيۆماش زاۋىتىنىڭ ينجەنەر-تەحنولوگى بولىپ باستاعان. 1983-2005 جىلدارى شىمكەنت قورعاسىن زاۋىتىنىڭ بالقىتۋشىسى, اعا ماستەرى, «شىمكەنت قورعاسىن زاۋىتى» اق باسقارما باستىعىنىڭ ورىنباسارى, اتقارۋشى ديرەكتورىنىڭ كوممەرتسيا بويىنشا ورىنباسارى, «يۋجپوليمەتالل» جاق ديرەكتورىنىڭ ورىنباسارى بولىپ ەڭبەك ەتكەن. 2005-2016 جىلدارى وڭتۇستىك قازاقستان وبلىسى جۇمىلدىرۋ دايىندىعى, ازاماتتىق قورعانىس, اۆاريالار مەن دۇلەي اپاتتاردىڭ الدىن الۋدى جانە جويۋدى ۇيىمداستىرۋ باسقارماسى باستىعىنىڭ ورىنباسارى, شىمكەنت قالاسى اكىمىنىڭ ورىنباسارى, وتىرار اۋدانىنىڭ اكىمى, وڭتۇستىك قازاقستان وبلىسى اكىمىنىڭ كەڭەسشىسى لاۋازىمدارىن اتقارعان.
2016 جىلدىڭ ءساۋىر ايىنان باستاپ وڭتۇستىك قازاقستان وبلىسى قۇرىلىس باسقارماسىنىڭ باسشىسى بولىپ قىزمەت ەتىپ كەلدى.
