شارا ساياسي رەپرەسسيا كەزىندە دۇنيەدەن وتكەن, زارداپ شەككەن قازاقستاندىقتاردى ەسكە الۋعا ارنالعان ءبىر مينۋت ۇنسىزدىكپەن باستالدى.
- مەملەكەت باسشىسى قوعامدىق سانانى جاڭعىرتۋ تۋرالى ايتا وتىرىپ, تاريحي ەستەلىكتىڭ رۋحاني جاڭعىرۋدىڭ اجىراماس مەحانيزمى بولاتىن «تاريح پەن ۇلتتىق ءداستۇر حالىقتىڭ وتكەنىن, بۇگىنى مەن كەلەشەگىن جالعايتىن تۇعىرناما بولىپ تابىلادى» دەپ اتاپ ءوتتى. بۇگىنگى جاپپاي ساياسي رەپرەسسيانىڭ قۇربانى بولعان ادامداردى ەسكە الۋ شاراسى قازاقستان تاريحىنىڭ تراگەديالىق بەتتەرىن ەسكە تۇسىرۋگە مۇمكىندىك بەرەدى. ءبىزدىڭ الدىمىزدا تاريحي ەستەلىكتەر فەنومەنىن ساقتاۋ مەن باعا بەرۋگە جاڭا تاسىلدەردى ەنگىزۋ تۋرالى مىندەتتەر تۇر. اشارشىلىق جانە ساياسي رەپرەسسيالار, جەر اۋدارۋ قۇرباندارىن ەسكە الۋ ءاربىر زاماناۋي ماڭعىستاۋلىقتىڭ قوعامدىق ساناسىنىڭ جاڭعىرۋىمەن وتكىزىلگەن ىرگەتاسىنىڭ قالىپتاسۋىندا ەداۋىر ۇلەس بولىپ تابىلادى, - دەپ اتاپ وتتى ماڭعىستاۋ وبلىسىنىڭ اكىمى ەرالى توعجانوۆ.
شارادا تاريح عىلىمدارىنىڭ دوكتورى, ماڭعىستاۋ وبلىسى قازاقستان حالقى اسسامبلەياسى جانىنداعى عىلىمي-ساراپشىلىق توبىنىڭ مۇشەسى ەلۆيرا ابلانوۆا, كورەي ەتنومادەني بىرلەستىگىنىڭ وكىلى, رەپرەسسيادان زارداپ شەككەن ەحمان كيم, ولكەتانۋشى جانە ماڭعىستاۋ وبلىسىنىڭ قۇرمەتتى تۇرعىنى قويلىباي قاراجان ۇلى, «ۆايناح» شەشەن جانە ينگۋش ەتنومادەني بىرلەستىگىنىڭ مۇشەسى ماگومەد چۋچاەۆ, ش.ەسەنوۆ اتىنداعى كاسپي مەملەكەتتىك تەحنولوگيالار جانە ينجينيرينگ ۋنيۆەرستيتەتىنىڭ ستۋدەنتى ەلميرا اگاەۆالار رۋحاني جاڭعىرۋداعى تاريحي مۇرالاردىڭ ساقتالۋ ماڭىزى تۋرالى ءوز ويلارىمەن ءبولىستى.
گۇلايىم شىنتەمىرقىزى,
«ەگەمەن قازاقستان».
اقتاۋ.
