سونىڭ ءبىرى − اۆتورلىق ويىنشىقتاردىڭ اۋكتسيون-كورمەسى. كورمەگە سەمەيدەگى تانىمال 9 قۋىرشاق شەبەرى وز قولدارىمەن جاساعان 50-گە جۋىق ويىنشىق ۇسىندى. ولاردىڭ جارتىسى قايىرىمدىلىق اۋكتسيونىندا ساتىلدى. ينەسسا ماكيشەۆا, اجار دۇكىمباەۆا, مارگاريتا رەدحەر, اناستاسيا يۋجاكوۆا, باقىتجان شاپەنوۆا, رىسبيكە زاكەرحانوۆا, فاريدا ومىرباەۆا, ناتاليا مانۋلەنكو جاساعان قۋىرشاقتارعا حالىق ءدان ريزا بولىپ, شەكسىز العىستارىن بىلدىرەدى.
قۋىرشاقپەن وينامايتىن بالا جوق. مۋزەي قىزمەتكەرلەرىنىڭ ايتۋىنشا, قۋىرشاقتىڭ پايدا بولۋ تاريحى كوشپەندىلەردەن باستاۋ الادى. كوشپەندىلەر دەپ وتىرعانىمىز − ساقتار, عۇندار, ۇيسىندەر. ەرتە زاماندا قۋىرشاقتى سازبالشىقتان, تەرى پۇشپاعىنان, اعاشتان, سۇيەكتەن جاساعان. وسىدان مىڭ جىل بۇرىن بالالار قۋىرشاقپەن ويناسا, قازىر دە سولاي وينايدى. بىراق تەحنيكانىڭ, ەكونوميكانىڭ دامىعان زامانىندا قۋىرشاقتار بىلعارىدان, پلاستماسسادان, رەزەڭكەدەن جاسالىپ, ولارعا ءتۇرلى پىشىندەر بەرىلەدى.
راۋشان نۇعمانبەكوۆا
سەمەي
سۋرەتتى تۇسىرگەن اۆتور
